ફાયર કોલ મળતા જ ફાયરની ગાડી કંપનીમાં ધસી જઈ આગ બુઝાવવાની જહેમત શરૂ કરી હતી
(વર્તમાન પ્રવાહ વાપી બ્યુરો)
વાપી, તા.20: વાપી જીઆઈડીસી સેકન્ડ ફેઈઝમાં આવેલ ખેરાની પેપરમીલ પ્રા.લી. નામની કંપનીમાં સોમવારે બપોરે અચાનક ભિષણ આગ લાગી હતી. આગ લાગતા કંપનીમાં અફરા તફરી મચી જવા પામી હતી.
વાપી જીઆઈડીસી સ્થિત ખેરાની પેપરમિલમાં સોમવારે બપોરે અચાનક ભિષણ આગ લાગી હતી. આગની જાણ નોટીફાઈડ ફાયરને કરવામાં આવતા ચાર જેટલી ગાડી ઘટના સ્થળે ધસી ગઈ હતી. કલાકોની જહેમત બાદ આગ ઉપર કાબુ કરી લેવાયો હતો. આગમાં અન્ય કોઈ જાનહાની થવા પામી નહોતી. જો કે આગ લાગવાનું કારણ અકબંધ રહ્યું છે.
