(વર્તમાન પ્રવાહ ન્યુઝ નેટવર્ક)
સેલવાસ, તા.22 : દાદરા નગર હવેલીના બાલદેવી ગામે પ્રધાનમંત્રી આવાસ યોજનાની સામે ડુંગરમાંથી બે જે.સી.બી. અને પાંચ ટ્રકો દ્વારા માટી ખનન કરાતું હોવાનું ગ્રામજનોના ધ્યાને આવતાં ગ્રામજનોએ તેમને અટકાવવાનો પ્રયાસ કર્યો હતો. ત્યારબાદલોકોએ પોલીસ અને મામલતદારને ફોન કરતા પોલીસની ટીમ સ્થળ ઉપર પહોંચી હતી અને માટીમાફિયાઓને અટકાવવાને બદલે ગ્રામજનોને સમજાવવાનો પ્રયાસ કર્યો હતો. મામલતદારે ગ્રામજનોને જણાવ્યું કે, આ જગ્યા કોઈ ખાનગી પાર્ટીની છે અને એમની પરવાનગીથી માટી ખનન કરવામાં આવી રહ્યું છે, એમ જણાવી મામલો થાળે પાડવાનો પ્રયાસ કર્યો હતો.