જી.પી.સી.બી. કે વહિવટી તંત્ર, ડુંગરા વાસીઓ દ્વારા કોઈ કાર્યવાહી
કરવામાં આવતી નથી
(વર્તમાન પ્રવાહ વાપી બ્યુરો)
વાપી, તા.28: વાપી જીઆઈડીસીમાં કેમિકલ કંપનીઓનો કેમિકલ વેસ્ટ ઉંચકતા માફિયાઓ થકી હંમેશા બદનામ રહ્યું છે. વાપી આસપાસની જમીનનું પાણી મોટે પાયે ખરાબ થઈ ચૂક્યું છે. આજ કેમિકલ વેસ્ટ હવે દમણગંગા નદીના કાંઠા ઉપર ડમ્પીંગ થઈ રહ્યો છે. નદીનું પાણી અને કિનરો ખરાબ કરવાની પ્રવૃત્તિ આચરાઈ રહી છે.
ડુંગરા વિસ્તારમાં બુલેટ ટ્રેનનું સ્ટેશન બની રહ્યું છે. જેને લઈ વિકાસે રફતાર પકડી છે. બુલેટ ટ્રેન દમણગંગા નદી પર બનેલબ્રીજથી પસાર થવાની છે. આ બ્રિજ નજીક કેમિકલ વેસ્ટના માફિયાઓ પોતાના વાહનોના આવાગમન માટે કેમિકલ વેસ્ટ પાથરી રહ્યા છે. જેના થી કાંઠાનો વિસ્તાર સાંકડો થઈ રહ્યો છે તેમજ નદીનું પાણી પણ ખરાબ થઈ રહ્યું છે. આ પ્રવૃત્તિ લાંબા સમયથી ચાલી રહી છે. જીપીસીબી, દમણગંગા વિભાગ, ડુંગરા પાલિકા કોર્પોરેટર કોઈ પ્રકારના પગલા ભરતા જોવા મળતા નથી. ચોમાસામાં ભારે વરસાદ તથા દમણગંગા નદીના મધુબન ડેમના છોડાતા પાણી અહીં અવરોધ થશે. પાણીનો ભરાવો થવાની શક્યતા છે. પાણીને લઈ બેટ જેવી સ્થિતિ નિર્માણ થવાની વકી છે તેથી કેમિકલ વેસ્ટ ડમ્પીંગ કરતા માફિયા સામે કાર્યવાહી કરી કાયદાનો પાઠ ભણાવો જરૂરી છે.
