વલસાડથી વાપી આવી રહેલી બસમાં ઉડવાડા ઉતરેલી ગરીબ મહિલા 7900 રૂપિયા વાળું પર્સ ભૂલી જતા મહિલા કંડક્ટર હેમાંગીબેનએ ડેપોમાં પર્સ જમા કરાવ્યું
(વર્તમાન પ્રવાહ વાપી બ્યુરો)
વાપી, તા.29: આજરોજ સવારે 9.30 વાપી ડેપોની બસ નં.જીજે ઝેડ 3803 વલસાડથી વાપી આવી રહી હતી. જેમાં એક ગરીબ મહિલા નામે ભીખીબેન છનાભાઈ દેવીપૂજક વાપીની ટિકિટ લઈ બેઠા હતા. પરંતુ તેઓ ઉદવાડા ઉતરી ગયા હતા. તેમની પ્લાસ્ટિકની બેગ તેમજ તેમાં નાનું પોકેટ જેમાં 7900 રૂપિયા હતા. તેઓ અત્યંત ચિંતિત બની શીધા વલસાડ ડેપો પહોંચી ગયા. ત્યાં સતિષભાઈ વલસાડ ડેપો સ્ટેન્ડ ઈન્ચાર્જ વાપી ડેપોના એ.ટી.આઈ. ધનસુખ પટેલનો સંપર્ક કરતા એક મહિલા કન્ડક્ટર શ્રીમતી હેમાંગીનીબેન ખાલપભાઈ પટેલ બેઝ નં.6078 દ્વારા વાપી ડેપોમાં જમા કરાવી એક પ્રમાણીકતાનું ઉત્તમ ઉદાહરણ પૂﾗરુ પાડયું છે. દરરોજ એક ઘરતી બીજે ઘર લોકોની ઘરે ભીખ માંગીને રકમ ભેગી કરેલ હોવાનું ભિખીબેન દ્વારા જણાવતા એમના આંખમાં હર્ષના આંશુ સરી પડયા હતા. વલસાડથી વાપી સુધી ભાડું ન રહેતા વલસાડ ડેપોના સતિષભાઈ, મુકેશભાઈ દ્વારા ભાડું આપી વાપી મોકલી એમનું પાકીટ તથા રૂપિયા એમના વાપી ડેપોના ધનસુખ પટેલ તથા મહિલા કન્ડક્ટર દ્વારા આપી માનવતા મહેકાવી હતી. જે વલસાડ વિભાગ તથા વાપી ડેપોનું નામ રોશન કરેલ છે.
