નાણાંમંત્રી કનુભાઈ દેસાઈના હસ્તે ઉદ્ધાટન, 29 હજાર ચો.મી. 4 હજાર વૃક્ષ,
20 હજાર છોડ રોપવામાં આવશે
(વર્તમાન પ્રવાહ વાપી બ્યુરો)
વાપી, તા.05:આજરોજ વિશ્વ પર્યાવરણ દિવસ – 5 મી જૂન 2024 નિમિતે ગુજરાત સરકારના નાણા, ઉર્જા અને પેટ્રોકેમિકલ્સના માનનીય કેબિનેટ મંત્રી શ્રી કનુભાઈ દેસાઈના વરદ હસ્તે VIA ની ગ્રીન સોસાયટી દ્વારા નિર્મિત બે ગ્રીન બેલ્ટ બનાવવાનું ઉદ્ઘાટન કરવામાં આવ્યું હતું, જેમાંથી એક આંબેડકર ચોકથી વિનંતી નાકા સુધીના લગભગ 9200 ચોરસ મીટરના વિસ્તારને હરિયાળો બનાવવા માટે દેગામ રોડની બંને બાજુએ ગ્રીન બેલ્ટ વિકસાવવાની શરૂઆત કરવામાં આવી હતી. તે માટે કુલ 1300 મોટા વૃક્ષો અને 11,000 છોડ રોપવામાં આવશે. તેવી જ રીતે બેંક ઓફ બરોડાથી સેન્ટર ઓફ એક્સેલન્સ, વાપી સુધી આશરે 29000 ચોરસ મીટરમાં ગ્રીન બેલ્ટના વિકાસની કામગીરી શરૂ કરવામાં આવી હતી, જેમાં 4000 મોટા વૃક્ષો અને 20000 છોડ રોપવામાં આવશે. ત્યારબાદ માનનીય મંત્રીશ્રી કનુભાઈ દેસાઈની વિશેષ ઉપસ્થિતિમાં સેન્ટર ઓફ એક્સેલન્સ (CoE), વાપી અને CETP, વાપી ખાતે વૃક્ષારોપણ કરવામાં આવ્યું.
વાપી ઇન્ડસ્ટ્રીઝ એસોસિએશન (VIA) ની ગ્રીન સોસાયટી, ગુજરાત પ્રદૂષણ નિયંત્રણ બોર્ડ (GPCB), નોટિફાઇડ એરિયા ઓથોરિટી – વાપી (NAA), વાપી ગ્રીન એન્વાયરો લિ. (VGEL), ગુજરાત ઈન્ડસ્ટ્રીયલ ડેવલપમેન્ટ કોર્પોરેશન (GIDC) અને ઈન્ડસ્ટ્રીઝ સભ્યોના સહયોગથી નિયમિત પણે સામૂહિક વૃક્ષારોપણ, ગ્રીન બેલ્ટ ડેવલપમેન્ટ, બગીચાઓ અને વર્તુળોનો વિકાસ કરી વાપી ઔદ્યોગિક વસાહતમાં હરિયાળી જાળવવામાં મુખ્ય ભૂમિકા ભજવાઈ રહી છે. જેના કારણે સૌથી મોટા રાસાયણિક હબમાં પર્યાવરણીય સંતુલન જાળવવામાં મદદ મળી છે.
વિશ્વ પર્યાવરણ દિવસની ઉજવણીના કાર્યક્રમોમાં VIA ના પ્રમુખ શ્રી સતીષભાઈ પટેલ, ઉપપ્રમુખ શ્રી મગનભાઈ સાવલિયા, માનદ મંત્રી શ્રી કલ્પેશભાઈ વોરા, ખજાનચી શ્રી રાજુલભાઈ શાહ, સહ માનદ મંત્રી શ્રી ચંદ્રેશભાઈ મારૂ તેમજ VIA ના એડવાઈઝરી બોર્ડના મેમ્બર્સ એવા શ્રી એ કે શાહ, શ્રી યોગેશભાઈ કાબરિયા, શ્રી મિલનભાઈ દેસાઈ તથા શ્રી રજનીશ આનંદ, VIA ના ભૂતપૂર્વ પ્રમુખ શ્રી કમલેશભાઈ પટેલ અને GIDC ના RM શ્રી કુલદીપ સોલંકીની વિશેષ ઉપસ્થિતિ રહી હતી. આ પ્રસંગે VIA ના એક્ઝિક્યુટિવ કમિટી મેમ્બર્સ એવા શ્રી હેમાંગ નાઈક, શ્રી પ્રભાકર બોરોલે, શ્રી મિતેશ દેસાઈ, VGEL ના CEO શ્રી જતીનભાઈ મહેતા અને મોટા પ્રમાણમાં ઉદ્યોગોના સભ્યો તથા VIA અને VGEL ના સ્ટાફ સભ્યો પણ ઉપસ્થિત રહ્યા હતા.
