(વર્તમાન પ્રવાહ ન્યુઝ નેટવર્ક)
ચીખલી,(વંકાલ),તા.16: ચીખલી તાલુકાના કુકેરી વાત્સલ્ય ધામ શાંતાબા સ્કૂલના પરિસર નજીક શેરડીના ખેતરમાંથી રાત્રી દરમ્યાન દીપડો રસ્તા પર લટાર મારતો હતો. જેનો વિડિયો વાયરલ થતા સ્થાનિકોમાં ડરનો માહોલ સર્જાવા પામ્યો છે. દીપડાની જાહેરમાં અવર જવરથી સ્થાનિકોને ખેતરમાં જવા માટે પણ મુશ્કેલી ઉભી થવા પામી છે.બીજી તરફ આ વિસ્તારમાં શાંતાબા વિદ્યાલયનો વિશાળ કેમ્પસ હોય વન વિભાગ દ્વારા પાંજરું ગોઠવવામાં આવે તેવી માંગ ઉઠવા પામી છે.
સ્થાનિક આગેવાન પરિમલસિંહ પરમારના જણાવ્યાનુસાર અમારા વિસ્તારમાં બે દિવસ પૂર્વે શેરડીના ખેતરમાંથી નીકળતો દીપડો જોવા મળ્યો હતો. જેનો વિડીયો પણ છે. ત્યારે વન વિભાગ લોકોની સલામતી માટેના પગલા લે તે જરૂરી છે.