(વર્તમાન પ્રવાહ ન્યુઝ નેટવર્ક)
દમણ, તા. 12
દમણના કચીગામ કાછલ ફળિયા ખાતે વિક્રમ સંવંત 2078ના માગશર સુદ 10ને સોમવાર તા. 13/12/2021ના રોજ જય ભીખી માતા તથા દુધી માતાના નવનિર્મિત મંદિરનો ભવ્ય પ્રાણ પ્રતિષ્ઠાનું આયોજન કરવામાં આવ્યું છે.
જેમાં સવારે 8.30 વાગ્યે પૂજા-અર્ચના કરવામાં આવશે, ત્યારબાદ સવારે11.45 કલાકે મૂર્તિ પ્રાણ પ્રતિષ્ઠા કાર્યક્રમ યોજાશે ત્યારબાદ 12.30 કલાકે મહાપ્રસાદનું આયોજન કરવામાં આવેલ છે.
ઉપરાંત સાથે 8.30 કલાકે લોકડાયરાનું પણ આયોજન કરવામાં આવ્યું છે. જેમાં રાજ મ્યુઝીકના સથવારે કલાકાર મનીષા વસાવા પોતાની મધુર વાણીમાં શ્રોતા સમક્ષ ભજન રજૂ કરશે. આ શુભ પ્રસંગે સર્વ ભાવિક ભક્તોને આમંત્રણ પાઠવવામાં આવ્યું છે.