(વર્તમાન પ્રવાહ ન્યુઝ નેટવર્ક)
દમણ, તા.15
દમણ જિલ્લા પંચાયત સંચાલિત સરકારી પ્રાથમિક શાળા ખારીવાડીમાં આજે અચાનક આગ ભભૂકી ઉઠી હતી. આ અંગેની જાણ થતાં ફાયર બ્રિગેડની ટીમ પણ ઘટના સ્થળે પહોંચી ગઈ હતી. પરંતુ જેમની પાસે સરકારી પ્રાથમિક શાળા ખારીવાડી સ્કૂલની ચાવીઓ હતી તેમણે જ આગને કાબૂમાં લઈ લીધી હતી. બાંદોડકર સ્ટેડિયમ નજીક સરકારી પ્રાથમિક શાળા ખારીવાડી શાળા હોલ આવેલ છે. આ આગની ઘટનામાં શાળામાં રાખેલ કમ્પ્યુટર, પ્રિન્ટર અને અન્ય વસ્તુઓ બળીને ખાખ થઈ ગઈ છે. આગ લાગવાનું કારણ જાણી શકાયું નથી.
