(વર્તમાન પ્રવાહ વાપી બ્યુરો)
વાપી, તા.15
વલસાડમાં કાર્યરત જી.એમ.ઈ.આર.એસ. સિવિલ હોસ્પિટલમાં ફરજ બજાવતા 150 ઉપરાંત ઈન્ટર્ન ડોક્ટરો આજથી અમુદત હડતાલ જારી કરીને પોતાની માંગણી બુલંદ કરી હતી.
વલસાડ સિવિલ હોસ્પિટલમાં 150 ઉપરાંત ડોક્ટરો ઈન્ટર્ન ડોક્ટર તરીકે ફરજ બજાવી રહ્યા છે. આ ડોક્ટરોએ કોરોનાના સમયે દિવસ રાત જોયા વગર લગાતાર ફરજ બજાવી હતી તે ધ્યાને રાખીને સરકાર તરફથી વધારાનું રૂા.5000નું ઈન્સેટીવ આપવાનું જાહેર કરવામાં આવ્યું હતું. તે બાબતે આ ડોક્ટરો લડત ચલાવી રહ્યા છે. અગાઉ પણ એક વખત હડતાલ ઉપર ઉતરી ગયા હતા પરંતુ ત્યારે દિલાસો મળતા સમાધાન કરવામાં આવ્યું હતું પરંતુ તેનો અમલ નહી થતા આજરોજ ગુરૂવારની હડતાલ ઉપર ઉતર્યા હતા. ઈન્ટર્ન ડોક્ટરોની અન્ય શહેરોમાં પણ આ મુદ્દે લડત ચાલી રહી છે. અમદાવાદમાં પણ હડતાલ પર ઉતર્યા હોય એવુ જાણવા મળ્યું છે.
