(વર્તમાન પ્રવાહ વાપી બ્યુરો)
વાપી, તા.21: વલસાડ જિલ્લાના વાપી નગરપાલિકામાં ભારતીય જનતા પાર્ટીના ચૂંટાયેલા સભ્યો પૈકી પ્રમુખ, કારોબારી અધ્યક્ષ સહિતના હોદ્દેદારોની વરણી ગતદિવસોમાં કરવામાં આવી હતી. આજરોજ વાપી નગરપાલિકાના નવનિયુક્ત પ્રમુખ શ્રી પંકજભાઈ પટેલ, ઉપપ્રમુખ શ્રી દેવલબેન દેસાઈ, કારોબારી અધ્યક્ષશ્રી મનોજભાઈ પટેલ, શાસક પક્ષના નેતા શ્રી ધર્મેશભાઈ પટેલ, દંડક શ્રી મંગેશભાઈ પટેલે વલસાડ જિલ્લા ભાજપ મુખ્ય કાર્યાલય ‘‘શ્રી કમલમ” ખાતે જિલ્લા ભાજપ પ્રમુખ શ્રી હેમંતભાઈ કંસારા, વલસાડ/ડાંગના સાંસદ શ્રી ધવલભાઈ પટેલની શુભેચ્છા મુલાકાત કરી હતી. આ તબક્કે જિલ્લા પ્રમુખશ્રી તેમજ સાંસદશ્રી દ્વારા તેમના આગામી કાર્યકાળ દરમ્યાનની કામગીરી અંગે જરૂરી માર્ગદર્શન આપ્યું હતું.
આ તબક્કે વલસાડ જિલ્લા ભારતીય જનતા પાર્ટીના મહામંત્રી શ્રી શીલ્પેશભાઈ દેસાઈ, જિલ્લા ભાજપ ઉપપ્રમુખ શ્રી જીતેશભાઈ પટેલ, વાપી શહેર ભારતીય જનતા પાર્ટીના પ્રમુખ શ્રી સતિષભાઈ પટેલ ઉપસ્થિત રહ્યા હતા.
