(વર્તમાન પ્રવાહ વાપી બ્યુરો)
વાપી, તા.03: આજરોજ તા.03-07-2024 ના દિને ધરમપુર તાલુકાના મોટી ઢોલડુંગરી ગામે અતુલ ફાઉન્ડેશન વલસાડ અને કોહેઝન ફાઉન્ડેશન ટ્રસ્ટ ધરમપુર દ્વારા વૃક્ષારોપણનો કાર્યક્રમ રાખવામાં આવ્યો હતો. આપણી પૃથ્વી પર વધતું જતું કાર્બન ડાયોક્સાઈડનું પ્રમાણને ઘટાડવા અને ઓક્સિજન વાયુનું પ્રમાણ વધારવા અને આપણી પ્રકૃતિ બચાવા માટેનો એક નાનકડો પ્રયાસ કરવામાં આવ્યો હતો. જ્યાં ગામના ડેપ્યુટી સરપંચ વિલિયમ પટેલ, ગ્રામ પંચાયતના સભ્ય મગનભાઈ, ગ્રામ પંચાયતના સભ્ય જયેશભાઈ અને ગ્રામજનો સાથે સહકારમાં જોડાયા હતા.
