ભારત સ્ટોન ક્વોરીમાં કામ કરતા વ્યારાના પંકજ ગોવિંદ ગામીત મોતને ભેટયો
(વર્તમાન પ્રવાહ વાપી બ્યુરો)
વાપી, તા.07: કપરાડા તાલુકાના ઝરી ફળીયામાં આવેલ એક ક્વોરીમાં કરુણ દુર્ઘટના સર્જાઈ હતી. ક્વોરીમાં કામ કરી રહેલ યુવકના માતા ઉપર ઉપરથી પથ્થર પડતા ગંભીર રીતે ઘાયલ થયો હતો. જો કે માલિક બેહોશ સ્થિતિમાં નાનાપોંઢા સરકારી હોસ્પિટલમાં લાવ્યા હતા પંરતુ ફરજ પરના તબીબે મૃત જાહેર કર્યો હતો.
મૂળ વ્યારા હનુમતિયા ફળીયામાં રહેતો 29 વર્ષિય પંકજ ગોવિંદ ગામીત કપરાડા ઝરી ફળીયામાં આવેલ ક્વોરીમાં કામ કરતો હતો. ગતરોજ તે ક્વોરીમાં ટ્રક પાસે ઉભો હતો, વરસાદ ચાલું હતો ત્યારે અચાનક તેના માથા ઉપર ઉપરથી પથ્થર પડયો હતો. પંકજ ઘટના સ્થળે બેભાન થયો હતો. જેને માલિક સુખાજી છોગાજી ગુર્જર પોતાની કારમાં નાનાપોંઢા સરકારી હોસ્પિટલમાં લઈ આવેલા પરંતુ કમનસીબે ફરજ પરના તબીબે પંકજ ગામીતને મૃત જાહેર કર્યો હતો. અકસ્માત મોત અંગેની ખબર પોલીસમાં કુલબીર સીંગે આપી હતી.
