ઘરની વિરૂદ્ધ દિશામાં વૃક્ષ ધરાશયી થતા ઘર તથા લોકોનો આબાદ બચાવ
(વર્તમાન પ્રવાહ ન્યુઝ નેટવર્ક)
પારડી, તા.07: પારડી નગર પાલિકા વોર્ડ નંબર એકમાં મહેતા હોસ્પિટલ પાસે આવેલ અને પારડી નગર પાલિકામાં સેવા બજાવતા કિશોરભાઈ આર. પરમારના ઘર પાછળ આવેલ બોરડીનું તોતિંગ ઝાડ સતત વરસી રહેલા વરસાદને લઈ મૂળમાંથી ઉખડી ધરાસયી થઈ ગયું હતું. નસીબ જોગે આ બોરડીનું તોતિંગ ઝાડ ઘરની સાઇડે ન પડતાં ખુલ્લી જગ્યામાં ધરાશયી થતા ઘર તથા ઘરમાં રહેતા લોકોનો આબાદ બચાવ થયો હતો.
જોકે આ ઝાડ ધરાશયી થયા અંગેની જાણ પારડી નગર પાલિકાને કરાતા પારડી નગર પાલિકાએ ફકત સ્થળ તપાસ કરી સંતોષ માન્યો હતો. અને આ ઝાડને કાપી સહી-સલામત રીતે રસ્તો ખુલ્લો કરવાનું કામ ઘરના સદસ્યો દ્વારા કરવામાં આવી હતી.
છેલ્લા ઘણા વર્ષોથી પારડી નગર પાલિકામાં સેવા બજાવતા કર્મચારીના ઘરે આવી ઘટના બની હોવા છતાં પાલિકા કોઈ પણ જાતની ધ્યાન ન આપી દુર્લક્ષ સેવતી હોય તો નગરના આમ આદમીના ઘરે આવી કોઈ દુર્ઘટના બને તો પારડી નગર પાલિકા તરફથી કોઈ મદદની આશા રાખવી નહિ નું અહીં સાબિત થાય છે.
