(વર્તમાન પ્રવાહ વાપી બ્યુરો)
વાપી, તા.08: વાપી હાઈવે ઉપર આવેલ ગેરેજમાં રિપેરીંગ માટે આવેલ કાર રિપેર કર્યા બાદ પમ્પ ઉપર પેટ્રોલ ભરાવા માટે પેટ્રોલ પમ્પ ઉપર ગયેલી કારમાં અચાનક આગ લાગતા દોડધામ મચી જવા પામી હતી. આગના બનાવમાં કોઈ જાનહાની થવા પામી ન હતી.
વાપી હાઈવે ઉપર આવેલ ગેરેજમાં આજે ગુરૂવારે સવારે ઈકો કાર નં.જીજે 27 ડીએમ 8985 રિપેરીંગ કરવા માટે આવી હતી. રિપેર કર્યા બાદ કાર ચેક કરવા માટે માલિક બાજુમાં આવેલ પેટ્રોલ પમ્પ ઉપર પેટ્રોલ ભરાવવા ગયો હતો. જ્યાં પેટ્રોલ ભરાવી કાર સ્ટાર્ટ કરી ત્યારે પમ્પ ઉપર કારમાં અચાનક આગ ભભૂકી ઉઠતા કાર માલિક સતર્કતાથી બહાર નિકળી ગયો હતો. ફાયર બ્રિગેડે ઘટના સ્થળે આવી તાત્કાલિક આગ બુઝાવતા મોટી હોનારત ટળી હતી.