(વર્તમાન પ્રવાહ વાપી બ્યુરો)
વાપી, તા.21: મુસાફરી તમારા હૃદયને ખોલે છે. તમારા મગજને વિસ્તૃત કરે છે અને તમારા જીવનને વાર્તાઓથી ભરી દે છે. જ્યારે મિત્રો સાથે શેર કરવામાં આવે ત્યારે મુસાફરી હંમેશા વધુ સારી હોય છે. અમારા યુવા પોદારાઈટ્સને આનંદ માણવાની આ તક આપવા અને તેમના મિત્રો સાથે ગુણવત્તાયુક્ત સમય વિતાવવા માટે પોદાર ઈન્ટરનેશનલ સ્કૂલ વાપીએ ધો.9 થી 12ના વિદ્યાર્થીઓ માટે તુંબ ઉમરગામના વારી એનર્જી લિમિટેડ ખાતેની સફર યોજી હતી. જેમાં સોલર પેનલ બને છે. વિદ્યાર્થીઓને ત્યાં સોલર પેનલ બનાવવાની પધ્ધતિ વિશે વિગતવાર સમજાવ્યું હતું. વિદ્યાર્થીઓ આ માહિતી મેળવીને આનંદિત થયા હતા.
આ ફિલ્ડ ટ્રિપનું આયોજન શાળાના આચાર્યશ્રી અનુપમ ઉપાધ્યાયના નેતૃત્વ હેઠળ કરવામાં આવ્યું હતું.
