November 30, 2025
Vartman Pravah
Breaking Newsઉમરગામકપરાડાગુજરાતચીખલીડિસ્ટ્રીકટદેશનવસારીપારડીવલસાડવાપી

નવી દિલ્‍હી ખાતે સ્‍વતંત્રતા દિવસની ઉજવણીમાં વાપી કેબીએસ કોલેજના એનએસએસના વિદ્યાર્થીએ લીધેલો ભાગ

(વર્તમાન પ્રવાહ વાપી બ્‍યુરો)
વાપી, તા.30: ચણોદ કોલોની સ્‍થિત કેશવજી ભારમલ સુમારીયા કોમર્સ એન્‍ડ નટરાજ પ્રોફેશનલ સાયન્‍સિસ કોલેજ વાપીમાં વીર નર્મદ દક્ષિણ ગુજરાત યુનિવર્સિટી અંતર્ગત (N.S.S.) રાષ્‍ટ્રીય સેવા યોજનાનો યુનિટ કાર્યરત છે. આ યોજનામાં ભાગ લેનાર દરેક સ્‍વયંસેવકો સેવા ભાવથી વ્‍યક્‍તિ, સમાજ અને દેશના વિકાસની સેવામાં ભાગ લેતા હોય છે. 15 ઓગસ્‍ટ, 2024ના રોજ, દિપક સિંહ (T.Y.B.C.A.), એક સમર્પિત N.S.S. (રાષ્‍ટ્રીય સેવા યોજના) સ્‍વયંસેવક, નવી દિલ્‍હીના પ્રતિષ્ઠિત લાલ કિલ્લા પર આયોજિત રાષ્‍ટ્રીય કક્ષાની સ્‍વતંત્રત દિનની ઉજવણીમાં ભાગ લેવા અતિથિ વિશેષ તરીકે માટે આમંત્રિત કરવામાં આવ્‍યા હતા. આ પ્રતિષ્ઠિત આમંત્રણ સ્‍વયંસેવકોના યોગદાન અને સમાજ સેવા પ્રત્‍યેની પ્રતિબદ્ધતાની નોંધપાત્ર દેખાવ દર્શાવે છે. ભારતના સમૃદ્ધ ઈતિહાસ અને સ્‍વાતંત્ર્ય સંગ્રામના પ્રતિક એવા લાલ કિલ્લા પર સ્‍વતંત્ર દિનની ઉજવણી રાષ્‍ટ્રીય ગૌરવનું ભવ્‍ય પ્રદર્શન હતું. ગુજરાતની વિવિધ યુનિવર્સિટીઓમાંથી કુલ 24 સ્‍વયંસેવકો આમંત્રિત હતા જેમાં વીર નર્મદ દક્ષિણ ગુજરાત યુનિવર્સિટીમાંથી ફક્‍ત સદર કોલેજનાસ્‍વયંસેવકની પસંદગી થતા કોલેજ પરિવારમાં આનંદની અને ગૌરવની લાગણી અનુભવી હતી.
N.S.S. યુનિટની દરેક સેવાકીય પ્રવૃત્તિઓનું સંચાલન તેમજ માર્ગદર્શન અને સ્‍વયંસેવકોની પસંદગી N.S.S. યુનિટના પ્રોગ્રામ ઓફિસર ડૉ. ખુશ્‍બુ દેસાઈ દ્વારા કરવામાં આવી હતી. આમ લાલ કિલ્લા, નવી દિલ્‍હી ખાતે સ્‍વતંત્રતા દિવસની ઉજવણીમાં ભાગ લઈ સમગ્ર યુનિવર્સિટીમાં કોલેજનું નામ રોશન કરવા બદલ કોલેજના આચાર્ય ડૉ. પૂનમ બી. ચૌહાણ તેમજ ટ્રસ્‍ટીગણે વિદ્યાર્થીનો અભાર માની ભવિષ્‍યમાં પણ દેશની સેવામાં ભાગીદાર બની ઉજ્જવળ કારકિર્દી માટે શુભેચ્‍છા પાઠવી હતી.

Related posts

વલસાડ જિલ્લા પ્રાથમિક શિક્ષક સંઘ આયોજિત ક્રિકેટ ટુર્નામેન્‍ટ સંપન્ન

vartmanpravah

કપરાડા વાવરના ગ્રામજનોની અસહ્ય લાચારી : ધસમસતા કોઝવે ઉપરથી ચાલી અંતિમ યાત્રા કાઢવી પડી

vartmanpravah

વલસાડમાં ‘ઇન્ટરનેશલ કોસ્ટલ ક્લીનઅપ ડે’ નિમિત્તે તિથલ બીચ અને દરિયાઈ તટની સાફ સફાઈ કરવામાં આવી

vartmanpravah

સંઘપ્રદેશ પ્રશાસન દ્વારા દાનહમાં આયોજીત ત્રિ-દિવસીય ગર્ભાશય અને સ્‍તનના કેન્‍સરની નિઃશુલ્‍ક તપાસનો 293 મહિલાઓએ લીધેલો લાભ

vartmanpravah

દમણ પોલીસ દ્વારા સતત 24 દિવસ સર્ચ ઓપરેશન હાથ ધરી 11 વર્ષના ગુમ થયેલ બાળકને સુરતના કતારગામથી સુરક્ષિત પરત લાવી પરિવાર સાથે મિલન કરાવ્‍યું

vartmanpravah

SUVમાં પગ મૂકવાના ભાગે બનાવેલા ચોર ખાનામાંથી દારૂ ઝડપતી પારડી પોલીસ

vartmanpravah

Leave a Comment