અમેરિકાના કોલોરાડોમાં યોજાનારી પ્રતિષ્ઠિત અંડર-19 વર્લ્ડ બોક્સિંગ ચેમ્પિયનશિપ-2024માં ભારતીય યુવા બોક્સિંગ ટીમનું નેતૃત્વ કરી સંઘપ્રદેશ સહિત દેશનું ગૌરવ વધારશે
(વર્તમાન પ્રવાહ ન્યુઝ નેટવર્ક)
દમણ, તા.12 : અમેરિકાના કોલોરાડોમાં યોજાનારી પ્રતિષ્ઠિત અંડર- 19 વર્લ્ડ બોક્સિંગ ચેમ્પિયનશિપ-2024 માટે ભારતીય યુવા બોક્સિંગ ટીમની પસંદગી ટ્રાયલનું આયોજન ભારતીય બોક્સિંગ ફેડરેશન દ્વારા રાષ્ટ્રીય બોક્સિંગ એકેડમી, રોહતક-હરિયાણા ખાતે તા.08 થી 12 સપ્ટેમ્બર, 2024 દરમિયાન કરવામાં આવ્યું હતું. આ સિલેક્શન ટ્રાયલમાં કેન્દ્ર શાસિત પ્રદેશ દાદરા નગર હવેલી અને દમણ-દીવના બોક્સર સુમિતની 63-67 કિ.ગ્રા. વજન વર્ગની રાષ્ટ્રીય સ્પર્ધામાં ઉત્કૃષ્ટ પ્રદર્શનને કારણે પસંદગી કરવામાં આવી હતી. પસંદગી ટ્રાયલ્સમાં કેન્દ્ર શાસિત પ્રદેશના બોક્સર સુમિત કુમારે શાનદાર પ્રદર્શન કરીને ભારતીય યુવા બોક્સિંગ ટીમમાં પોતાનું સ્થાન નિヘતિ કર્યું.
આ સિલેક્શન ટ્રાયલમાં વિવિધ રાજ્યોમાંથી શ્રેષ્ઠ રાષ્ટ્રીય કક્ષાના યુવા બોક્સિંગ ખેલાડીઓની પસંદગી કરવામાં આવી હતી, સંઘપ્રદેશના સુમિતે અનુભવી બોક્સર સુમિતે કુલ ચાર બાઉટ જીતીને આ સ્થાન હાંસલ કર્યું હતું, જેમાંથી પ્રથમમુકાબલામાં કપરા મુકાબલામાં વિજય મેળવ્યો હતો. બોક્સર સુમિતે અંડર-19 વર્લ્ડ બોક્સિંગ ચેમ્પિયનશિપ-2024માં તમિલનાડુના બોક્સરને 5-0થી, રાજસ્થાનના બોક્સરને બીજા મુકાબલામાં 5-0થી, હરિયાણાના બોક્સરને ત્રીજા મુકાબલામાં 4-1થી અને સર્વિસિસ સ્પોર્ટ્સ કંટ્રોલ બોર્ડના બોક્સરને 5-0થી હરાવ્યો હતો. અંતિમ મુકાબલામાં ભારતીય બોક્સિંગ ટીમમાં પોતાનું સ્થાન મેળવ્યું.
સુમિતે પોતાના પ્રદર્શનથી સંઘપ્રદેશનું ગૌરવ પણ વધાર્યું છે અને અંડર-19 વર્લ્ડ બોક્સિંગ ચેમ્પિયનશિપ- 2024 માટે બોક્સરની પસંદગી થવી એ આ કેન્દ્ર શાસિત પ્રદેશ માટે ગૌરવની વાત છે.
આ અવસરે વિભાગના બોક્સિંગ પ્રશિક્ષક વિજય પહલે જણાવ્યું હતું કે, એવી અપેક્ષા છે કે કેન્દ્ર શાસિત પ્રદેશનો સ્ટાર બોક્સર સુમિત કુમાર અમેરિકાના કોલોરાડોમાં યોજાનારી પ્રતિષ્ઠિત અંડર-19 વર્લ્ડ બોક્સિંગ ચેમ્પિયનશિપ-2024માં શાનદાર પ્રદર્શન કરીને મેડલ જીતશે અને કેન્દ્ર શાસિત પ્રદેશને તેમજ ભારત દેશને ગૌરવ અપાવશે.