(વર્તમાન પ્રવાહ વાપી બ્યુરો)
વાપી,તા.18: અત્રે ચણોદ કોલોની સ્થિત કેશવજી ભારમલ સુમેરીયા કોમર્સ એન્ડ નટરાજ સાયન્સીસ કોલેજ વાપીમાં વિદ્યાર્થી મિત્રોને રમત ક્ષેત્રે પણ વિશેષ તાલીમ આપવામાં આવે છે. વીર નર્મદ દક્ષિણ ગુજરાત યુનિવર્સિટી (સ્ફલ્ઞ્શ્), સુરત, અંતર્ગત કોલેજ ઓફ કોમર્સ, ભરૂચ ખાતે યોજાયેલ આંતર-કોલેજ ટેકવોન્ડો (મેન) ટુર્નામેન્ટમાં યુનિવર્સિટી હેઠળની વિવિધ કોલેજોએ ભાગ લીધો હતો. આ ઇવેન્ટમાં તીવ્ર સ્પર્ધા સાથે સદર કોલેજના ખેલાડી મિત્રો ઓમ યાદવ (વ્.ળ્.ગ્.ઘ્ંળ.) અને સમીર ખાને (જ્.ળ્.ગ્.ઘ્ંળ.) અસાધારણ પ્રદર્શનથી બ્રોન્ઝ મેડલ મેળવ્યો છે. આ ખેલાડીઓની ઉત્કળષ્ટ સિદ્ધિ તેમના સમર્પણ, સખત મહેનત અને રમત પ્રત્યેના જુસ્સાને દર્શાવે છે. તેમની સફળતા શારીરિક શિક્ષણના આસિસ્ટન્ટ પ્રોફેસર ડો.મયુર પટેલ દ્વારા આપવામાં આવેલ નિષ્ણાત તાલીમ અને માર્ગદર્શનને કારણે શકય બની હતી. તેમના સતત માર્ગદર્શન અને વ્યૂહાત્મક અભિગમે તેમના પ્રદર્શનને આકાર આપવામાં અને તેમને વિજય તરફ દોરી જવામાં મુખ્ય ભૂમિકા ભજવી હતી. આમ સમગ્ર યુનિવર્સિટીમાં કોલેજનું નામ રોશન કરવા બદલ કોલેજના આચાર્ય ડૉ.પૂનમ બી. ચૌહાણે, તથા આદરણીય ટ્રસ્ટ સભ્યો સાથે, બંને રમતવીરોની હૃદયપૂર્વક પ્રશંસા અને અભિનંદન આપી, જીવનમાં સફળ થઈ સમાજ અને દેશનુંનામ રોશન કરવા માટે શુભેચ્છા પાઠવી હતી.
