(વર્તમાન પ્રવાહ ન્યુઝ નેટવર્ક)
સેલવાસ, તા.23: દાદરા નગર હવેલીના રખોલી પંચાયત ખાતે ‘સ્વચ્છતા હી સેવા’ પખવાડિયા અંતર્ગત સ્વચ્છતા મેરેથોન, માસ શ્રમદાન પ્રવૃત્તિ અને ગ્રામજનોમા સ્વચ્છતા પ્રત્યે જાગૃતિ લાવવાનો પ્રયાસ કરવામાં આવ્યો હતો. મેરેથોન દોડમાં મોટી સંખ્યામાં ગ્રામજનો સહિત શાળાના શિક્ષકો જોડાયા હતા. ગામના અલગ અલગ વિસ્તારોમાં સ્વચ્છતા અભિયાનનું આયોજન કરવામાં આવ્યું હતું. આ અવસરે જીલ્લા પંચાયત સભ્ય શ્રી દિપકભાઈ પ્રધાન, સરપંચ શ્રીમતી ચંદનબેન પટેલ, ઉપસરપંચ શ્રી સુરજભાઈ પટેલ, પંચાયતનો સ્ટાફ સહિત ગ્રામજનો ઉપસ્થિત રહ્યા હતા.