(વર્તમાન પ્રવાહ ન્યુઝ નેટવર્ક)
ચીખલી,(વંકાલ),તા.25: ગાંધીનગર સ્ટેટ મોનિટરિંગ સેલની ટિમ ચીખલી વિસ્તારમાં પેટ્રોલિંગમાં હતી. દરમ્યાન પૂર્વ બાતમીના આધારે ચીખલી ને.હા.નં-48 ઇન્ડિયન ઓઇલ પેટ્રોલ પંપ મુંબઈ થી અમદાવાદ જતા ટ્રેક ઉપર વોચ ગોઠવી હતી. દરમ્યાન બાતમી મુજબની અશોક લેલન ટ્રક નં-એમએચ-01-સીવી-6117 આવતા જેને રોકી તલાસી લેતા અંદરથી વિદેશી દારૂ તેમજ ટીન-બીયરની નાની-મોટી બોટલ નંગ-10,848 કિ.રૂ.11,96,360/- મળી આવતા જે અંગે પાસ પરમીટ માંગતા ન હોવાનું જણાવતા પોલીસે ટ્રક ડ્રાઇવર દેવેન્દ્રસિંહ ઉર્ફે મીનું મહેશસિંહ તોમર (ઉ.વ-32) (રહે.રતનપોર ગામ તા.બસેડી જી.ધોલપુર, રાજેસ્થાન) ની ધરપકડ કરી અંગ ઝડતીમાંથી રોકડા રૂ.5,000/-, એક મોબાઇલ, અશોક લેલન ટ્રક કિ.રૂ.10 લાખ મળી કુલ્લે રૂ.22,06,360/- નો મુદ્દામાલ કબ્જે કરી ગુજરાતમાં દારૂનો જથ્થો પહોંચાડનાર સંજય નામના શખ્સ તેમજ ટ્રકમાં દારૂનો જથ્થો ભરી આપનાર, દારૂનો જથ્થો મંગાવરનાર તથા અશોક લેલન ટ્રક માલિક મળી કુલ્લે ચાર જેટલાને પોલીસ ચોપડે વોન્ટેડ જાહેર કરી બનાવ અંગેની ફરિયાદ ગાંધીનગર સ્ટેટ મોનિટરિંગ સેલના એએસઆઇ-મનુભાઇ પુંજાભાઇ એ કરતા વધુ તપાસ ગણદેવી પોલીસ મથકના પીઆઇ-એ.જે.ચૌહાણ કરી રહ્યા છે.
