બંધ ફાટકથી વાહન ચાલકોને વાપી જવા આવવા મોટો ચકરાવો મારવો પડતો હતો
(વર્તમાન પ્રવાહ વાપી બ્યુરો)
વાપી, તા.27: વાપી પૂર્વ-પશ્ચિમ અવર જવર કરવા માટે વાપી ફાટક હાર્ટલાઈન સમાન છે પરંતુ રેલવેમેઈન્ટેનન્સ હેતુ પાંચ દિવસથી ફાટક બંધ કરાયું હતું. આજે શુક્રવારે વાપી ફાટક રાબેતા મુજબ કાર્યરત થતા વાહન ચાલકોએ રાહત અનુભવી હતી.
વાપી પૂર્વ-પશ્ચિમ અવર જવર માટે હાલ ત્રણ વિકલ્પ છે. રેલવે મોટો અંડરપાસ, એસ.ટી. ડેપો સામેનું ફાટક અને બલીઠા ફાટક એમ ત્રણ અવર જવર માટેના મુખ્યસ્ત્રોત પૈકી એકાદ જો બંધ રહે તો વાપીમાં ટ્રાફિકની સમસ્યા બેવડાઈ જતી હોય છે અને વાહન ચાલકો હેરાન-પરેશાન થઈ જતા હોય છે તેવો તાજો અનુભવ વાપી ફાટક પાંચ દિવસ બંધ હતું આજે શુક્રવારે રાબેતા મુજબ ફરી કાર્યરત થતા વાહન ચાલકોએ પુષ્કળ રાહત અનુભવી હતી. ટ્રાફિકને પ્રેસર પણ ઓછુ થયેલું જોવા મળ્યું હતું.