સિલ્ધા બેઠકના કોંગ્રેસ સભ્ય ઈશ્વર તુમડા વિરૂધ્ધ
તાલુકા ભાજપ પ્રમુખે ફરિયાદ નોંધાવી
(વર્તમાન પ્રવાહ વાપી બ્યુરો)
વાપી, તા.29: કપરાડા તાલુકા પંચાયત કોંગ્રેસ સભ્યએ રાજ્યસભામાં વડા પ્રધાન નરેન્દ્ર મોદીના પ્રવચનનો વિડીયો એડીટીંગ કરી વાયરલ કરતા પોલીસ ફરિયાદ નોંધાઈ છે.
વડાપ્રધાન નરેન્દ્ર મોદી રાજ્ય સભામાં અનામત અંગેનું ભાષણ આપેલું. આ ભાષણની સ્પીચ એડીટીંગ કરી વાયરલ થઈ છે. કપરાડા તાલુકા પંચાયતના કોંગ્રેસ સભ્ય ઈશ્વરભાઈ તુમડાએ મોદીનો સ્પીચનો વિડીયો સોશિયલ મીડિયામાં વાયરલ કર્યો હતો. અનામત બંધ થઈ જશે, નોકરીઓ છીનવાઈ જશે તેવો અપ્રચાર એડીટીંગ વિડીયોના માધ્યમથીકોંગ્રેસ સભ્યએ કરતા મામલો ઉગ્ર બન્યો હતો. ભાજપના કપરાડા તાલુકા પંચાયતના પ્રમુખ તા.પં. કોંગ્રેસી સભ્ય ઈશ્વરભાઈ તુમડા વિરૂધ્ધ પોલીસ ફરિયાદ નોંધાવી છે. વાયરલ વિડીયોને લઈ કપરાડા વિસ્તારમાં રાજકારણ ગરમાઈ જવા પામ્યુ છે. કોંગ્રેસ ભાજપ વચ્ચે ફરી વૈમનસ્યનું વાતાવરણ ઉભુ થવા પામેલ છે.
