મહેસાણાજિલ્લા પ્રગતિ મંડળ વાપીએ ઊંઝા-વાપી સ્લિપર બસ યથાવત ચાલું રાખવા માંગણી કરી હતી
(વર્તમાન પ્રવાહ વાપી બ્યુરો)
વાપી, તા.20: વાપી ડેપો (બલીઠા)થી નિયમિત સાંજના 8 કલાકે વાપીથી સ્લિપર કોચ બસ ઊંઝા કાર્યરત હતી તે બસ તા.1 ડિસેમ્બરથી એસ.ટી. નિગમો બંધ કરી હતી. તેથી મહેસાણા જિલ્લા પ્રગતિ મંડળે એસ.ટી. નિગમને લેખિત રજૂઆત કરી વાપી-ઊંઝા બંધ કરાયેલ રૂટ પૂર્વવત ચાલું કરવાની માંગણી કરી હતી. તેનો પ્રતિઉત્તર એસ.ટી. નિગમે પાઠવી જણાવ્યું છે. સદર બસ વાપીથી બંધ કરીને ધરમપુર-ઊંઝા નવો રૂટ ચાલુ કર્યો છે.
એસ.ટી. નિગમએ મહેસાણા જિલ્લા પ્રગતિ મંડળને પત્ર પાઠવી જણાવ્યું છે કે, વાપી-ઊંઝા રૂટ બંધ કરવાનું કારણ છેલ્લા છ મહિનાથી આવકનું પ્રમાણ ઘટી રહ્યું છે. ઊંઝા-મહેસાણા તરફ જતા મુસાફરો વલસાડ વડનગર સુપર ફાસ્ટ ટ્રેન કાર્યરત થતા મુસાફરો ટ્રેનમાં મુસાફરી કરી રહ્યા છે. તેથી આવક ઘટતા વાપી-ઊંઝા સ્લિપર કોચ વાપીથી બંધ કરી ધરમપુરથી કાર્યરત કરવામાં આવ્યો છે તેની નોંધ લેવી. વધુમાં એસ.ટી. નિગમે જણાવ્યું હતું કે, વાપીથી મહેસાણા-ઊંઝા-પાટણ જવા માટે સેલવાસ, પાટણ વાપીથી 18.05, સેલવાસ પાટણ વાપીથી 18.15, વાપી-ચાણસ્મા 19.00, સેલવાસ-વાવ 17.40, વાપી-મહેસાણા 21.00 કલાકે બસો હાલમાંનિયમિત ચાલી રહી છે. તેનો લાભ લેવા જણાવાયું છે.
