(વર્તમાન પ્રવાહ ન્યુઝ નેટવર્ક)
દમણ, તા.06 : દાનહ અને દમણ-દીવ પ્રદેશ ભાજપ મહિલા મોરચાના અધ્યક્ષ અને પ્રદેશની મહિલાઓને આત્મનિર્ભર બનાવવા સક્રિય એવા શ્રીમતી સિમ્પલબેન કાટેલા અને તેમની ટીમે ભાઈ-બહેનના પવિત્ર તહેવાર રક્ષાબંધનના અવસરે દેશના યશસ્વી પ્રધાનમંત્રી શ્રી નરેન્દ્રભાઈ મોદીને પ્રદેશની દરેક બહેનો તરફથી રાખડી મોકલવામાં આવી હતી.
પ્રધાનમંત્રી શ્રી નરેન્દ્રભાઈ મોદી પોતાના અત્યંત વ્યસ્ત સમયમાંથી સમય કાઢી રાખડી મોકલવા બદલ શ્રીમતીસિમ્પલબેન કાટેલાનો આભાર પ્રગટ કરતો પત્ર પાઠવી પ્રદેશની નારી શક્તિ પ્રત્યે આદર અને સન્માનની લાગણી વ્યક્ત કરવામાં આવી હતી. પ્રધાનમંત્રી શ્રી નરેન્દ્રભાઈ મોદીની નાની નાની બાબતો પ્રત્યે પણ રખાતી કાળજીથી પ્રદેશની મહિલાઓ વતી પ્રદેશ ભાજપ મહિલા મોરચાએ પ્રધાનમંત્રી શ્રી નરેન્દ્રભાઈ મોદીનો આભાર પ્રગટ કર્યો હતો.
