(વર્તમાન પ્રવાહ ન્યુઝ નેટવર્ક)
સેલવાસ,તા.06 : સેલવાસમાં સ્માર્ટ સીટી પ્રોજેક્ટ અંતર્ગત વિવિધ વિકાસના કામો ચાલી રહ્યા છે. ઝંડાચોક વિસ્તારમાં એક તરફ વરસાદી પાણીના નિકાલ માટેની ગટર માટે જે.સી.બી. દ્વારા ખોદકામ કરવાના કારણે રસ્તો બંધ રાખવામાં આવે છે જ્યારે બીજી બાજુના રસ્તા પર વાહનો પાર્ક કરવામાં આવતા હોવાથી બન્ને તરફના વાહનો એક જ રોડ પરથી પસાર થવાને કારણે વારંવાર ટ્રાફિક જામની સમસ્યા ઉભી થાય છે. તેથી પોલીસ તંત્ર દ્વારા ટ્રાફિકથી ભરચક રસ્તાઓ પર કામ ચાલુ હોય તે સમયે ટ્રાફિક પોલીસની વ્યવસ્થા કરવામાં આવે તે જરૂરી છે. કારણ કે, આડેધડ પાર્કિંગ કરાતા વાહનોને વ્યવસ્થિત રીતે અન્ય સ્થળે પાર્ક કરાવી શકે અને ટ્રાફિક જામની સમસ્યાથી લોકોને રાહત મળી શકે.
