ચાલક ઘાયલ : ત્રણ ક્રેઈનની મદદથી ટેન્કરને તાબડતોબ પૂર્વવત કરાયું
(વર્તમાન પ્રવાહ વાપી બ્યુરો)
વાપી, તા.09: વલસાડ હાઈવે ઉપર ભાગ્યે જ કોઈ દિવસ પસાર થતો નથી કે અકસ્માત ના સર્જાયો હોય. અતુલથી ડુંગરી સુધીનો હાઈવે અકસ્માત ઝોન બની ગયો છે. આજે બુધવારે સવારે વધુ એક અકસ્માત ધરમપુર ચોકડી ઉપર સર્જાયો હતો. સુરતથી લીકર એમોનિયા ભરેલુ ટેન્કર વાપી તરફ જઈ રહ્યું હતું ત્યારે ડીવાઈડર સાથે ભટકાઈ ટેન્કર પલટી મારી ગયું હતું. અકસ્માતને લઈ અફરા તફરી સર્જાઈ હતી. વલસાડ ધરમપુર ચોકડી હાઈવે ઉપર આજે સુરતથી ટેન્કર નં.જીજે 15 એવી 3568 લીકર એમોનિયા ભરીને વાપી ડીલેવરી કરવા જતું હતું ત્યારે ચાલકે સ્ટેયરીંગ ઉપરથી કાબુ ગુમાવતા ટેન્કર ડીવાઈડર સાથે ભટકાઈ પલરી માટી ગયું હતું. અકસ્માતમાં ડ્રાઈવર ઘાયલ થયો હતો. તેને સારવાર માટે ખસેડાયો હતો. લીકર એમોનિયા હવામાં ફેલાયો હોત તો મોટી હોનારત સર્જાઈ શકે એમ હતી પરંતુ ત્રણ ક્રેઈનની મદદથી પોલીસ અને ફાયરની ટીમે ટેન્કરને પૂર્વવત ઉભુ કરી દેવાતા લોકોએ હાશકારો અનુભવ્યો હતો. કારણ કે એમોનિયા વાયુ શ્વાસમાં જાય તો રુંધામણ અનુભવાય છે.
