નાણાંમંત્રી કનુભાઈ દેસાઈના હસ્તે ઉદ્દઘાટન : સુરત કોસ્મીક પીવી પાવર લી.ની સોલર પેનલ વિતરણ થશે
(વર્તમાન પ્રવાહ વાપી બ્યુરો)
વાપી, તા.13: વાપીમાં રવિવારે નવો સોલર એનર્જીનો અધ્યાય શરૂ થયો હતો. નાણાંમંત્રી કનુભાઈ દેસાઈના હસ્તે મહાવીર સોલર એનર્જીસ ડિસ્ટ્રીબ્યુશન બ્રાન્ચનું ઉદ્દઘાટન કરવામાં આવ્યું હતું.
આ નવિન સાહસ વાપીના સમાજ સેવી લલીતજી દ્વારા શરૂ કરવામાં આવેલ છે. મોદી સરકારની સોલર એનર્જીને પ્રોત્સાહન આપવાની નિતિને ધ્યાનમાં રાખી મહાવીર સોલર એનર્જીસનો પ્રારંભ કરાયો છે. જે સુરતની કોસ્મીક પાવર લીમીટેડ સોલરપેનલનું વિતરણ કરવામાં આવશે. કંપની ડાયરેક્ટર શ્રવણ ગુપ્તાએ જણાવ્યું હતું કે, કંપની સોલર પેનલ ઉત્પાદનમાં અગ્રેસર છે. 5 હજાર ઘરો અને ઈન્ડસ્ટ્રીઝમાં પ્રસ્થાપિત થઈ ચૂકી છે. સરકારની સબસીડીને કારણે લોકો સોલર પેનલ લગાવી વીજબીલમાં નોંધપાત્ર બચત કરી રહ્યા છે. ઉપસ્થિત મહાનુભાવોએ પ્રયાસને બિરદાવી જણાવ્યું હતું કે, વાપીને ગ્રીન સીટી બનાવવાના પ્રયાસને શુભેચ્છા આપી હતી. હવે વાપી અને ગ્રામ્ય વિસ્તારોમાં સોલર એનર્જી સિસ્ટમ સુલભ બનશે.
