કાર્યક્રમમાં સત્તાધાર સોસાયટીના રહીશોએ સમસ્યાઓનો બળાપો ઠાલવ્યો, પાલિકા સત્તાધીશો છોભીલા પડયા
(વર્તમાન પ્રવાહ વાપી બ્યુરો)
વાપી, તા.11: વાપી નગરપાલિકાના વિવિધ વિસ્તારોમાં જુદા જુદા 10 કરોડના વિકાસ કામોનું નાણામંત્રી કનુભાઈ દેસાઈના હસ્તે ખાતમુહૂર્તના કાર્યક્રમ શનિવારના રોજ નગરપાલિકાના પદાધિકારીઓ અને ભાજપના હોદ્દેદારોની ઉપસ્થિતિમાં યોજાયો હતો. કાર્યક્રમમાં ચલા સત્તાધાર સોસાયટીના રહીશોએ સ્થાનિક સમસ્યાનો બળાપો ઠાલવ્યો હતો.
વાપી નગરપાલિકા વિસ્તારમાં વિવિધ 10 કરોડના વિકાસ કાર્યોનું નાણામંત્રી કનુભાઈ દેસાઈએ વરસતા વરસાદમાં ખાતમુહૂર્ત કર્યા હતા. જેમાં ડુંગરા આઝાદનગરમાં પીવાના પાણી અને અંડર ગ્રાઉન્ડ સંપ, સુલપડ કોળીવાડમાં લાઈનીંગ, કરસનજી પાર્કમાં હયાત ગટરને જોડતી આર.સી.સી. પાઈપલાઈન, સત્તાધાર સોસાયટીમાં આંતરિક રોડ અને સોલિડ વેસ્ટ મેનેજમેન્ટ સાઈટનું અપગ્રેડેશન જેવા કામોના ખાતમુહૂર્ત કરાયા હતા. સત્તાધાર સોસાયટીમાં રહીશોએ મહિલાઓએ કાસ બિસ્માર અને વરસાદ પાણી ઘરોમાં ભરાઈ જાય છે તેથી સત્તા પર ગટરો બનાવાની માંગ સાથે બળાપા સત્તાધારીઓ સામે ઠાલવ્યા. પાલિકા પ્રમુખ, ઉપ પ્રમુખ, ચીફ ઓફિસર જવાબ નહી આપી છોભીલા પડી ગયા હતા.
