છેલ્લા ત્રણ દિવસથી ગરનાળામાં પાણી રેલાઈ રહ્યું છે છતાં
વાપી નગર પાલિકા પ્રેક્ષકની ભૂમિકામાં
(વર્તમાન પ્રવાહ વાપી બ્યુરો)
વાપી, તા.10: સામાન્ય રીતે વાપી વિસ્તારમાં ચોમાસાએ વિદાય લીધી છે. પરંતુ વાપી રેલવેના મોટા ગરનાળામાં હજુ ચોમાસુ પૂર્વવત છે. છેલ્લા ત્રણ દિવસથી મોટુ રેલવે ગરનાળુ પાણીથી લબાલબ ભરાઈ રહ્યું છે. વાહન ચાલકો પારાવાર મુશ્કેલી વેઠી રહ્યા છે, સાથે આક્રોશ ઠાલવતા જોવા મળી રહ્યા છે.
વાપીનું મોટું રેલવે ગરનાળું હાલમાં વાપી-પૂર્વ પﾍમિ અવર જવર કરવા માટે ફાટક સિવાય એકમાત્ર વિકલ્પ છે. આ ગરનાળાનો ઉપયોગ દિવસ-રાત સેંકડો વાહન ચાલકો કરી રહ્યા છે. હાઈવે જે ટાઈપ તરફથી તેમજ ચાર રસ્તા તરફથી આવતા વાહન મોટાભાગે રેલવેના મોટા ગરનાળાથી અવર જવર કરે છે. પરંતુ ના જાણે કેમ આ નાળામાં પાણી ભરાઈ જવાની પનોતી દૂર થતી નથી. ચોમાસાની વિદાય બાદ પણ રેલવેનું મોટું ગરનાળું પાણીથી લબાલબ છેલ્લા ત્રણ-દિવસથી ભરાઈ રહ્યું છે. પાલિકા વહિવટી તંત્ર હજુ મીઠી નિંદર માણી રહ્યાની સ્થિતિ પ્રવર્તિ રહી છે. પરિણામે સેંકડો અવર જવર કરતા વાહનો બારે મુસીબતની નસીબે પડેલી ત્રાસદી વેઠી રહ્યા છે.
