સરપંચ મુકેશ ગોસાવી અને જિ.પં.સભ્ય ફાલ્ગુનીબેન પટેલે લાભાર્થીઓના ઘરે જઈ પ્રધાનમંત્રી નરેન્દ્રભાઈ મોદીના જન્મ દિનની શુભકામના સાથે વિધવા અને વૃદ્ધોના પુછેલા ખબર-અંતર
(વર્તમાન પ્રવાહ ન્યુઝ નેટવર્ક)
દમણ, તા. ૧૭ઃ દમણવાડા ગ્રામ પંચાયત દ્વારા આજે પ્રધાનમંત્રી શ્રી નરેન્દ્રભાઈ મોદીના જન્મ દિવસની સેવા-સમર્પણ તરીકે ઉજવણી કરી પંચાયતની વિધવા મહિલાઓને સાડી તથા વૃદ્ધોને ટેકણ લાકડી (વોકિંગ સ્ટિક) ભેટ આપવામાં આવી હતી.
દમણવાડા ગ્રામ પંચાયત દ્વારા સાડી અને ટેકણ લાકડી(વોકિંગ સ્ટિક) લાભાર્થીઓના ઘરે જઈ આપવામાં આવી હતી. વોકિંગ સ્ટિક જિલ્લા પંચાયત દ્વારા ગ્રામ પંચાયતોને ફાળવવામાં આવી હતી.
સાડી અને વોકિંગ સ્ટિકનું વિતરણ લાભાર્થીઓના ઘરે જઈ સરપંચ શ્રી મુકેશ ગોસાવી અને જિ.પં.સભ્ય શ્રીમતી ફાલ્ગુનીબેન પટેલે કર્યુ હતું. આ પ્રસંગે દમણવાડા ગ્રામ પંચાયતના સેક્રેટરી શ્રી નિખિલ મિટના, શ્રી રોહિત ગોહિલ, શ્રી સુલેખ દમણિયા, શ્રી કેવલ ખારવા, શ્રી ધીરુભાઈ બારી વગેરેઍ સંપૂર્ણ સહયોગ પ્રદાન કર્યો હતો.
