તમામ ગ્રામ પંચાયતોએ પસાર કરેલો પ્રસ્તાવઃ ઓપન ડેફેકેશન ફ્રી(ઓડીએફ) બાબતે પણ પસાર કરાયો ઠરાવ
(વર્તમાન
પ્રવાહ ન્યુઝ નેટવર્ક)
દમણ, તા. 20
દમણ જિલ્લાની આજે તમામ ગ્રામ પંચાયતોએ પોતાના વિસ્તારમાં સિંગલ યુઝ પ્લાસ્ટિકના વપરાશ ઉપર પ્રતિબંધ મુકવા તથા પોતાની પંચાયતને ઓપન ડેફેકેશન ફ્રી(ઓડીએફ) મુક્ત કરવા સ
ર્વાનુમતે ઠરાવ પસાર કરવામાં આવ્યો હતો.
ઘેલવાડ
ગ્રામ પંચાયતના સરપંચ શ્રીમતી હિતાક્ષી જીજ્ઞેશભાઈ પટેલના નેતૃત્વમાં ‘સ્વચ્છતા હી સેવા’ અંતર્ગત આજે ગ્રામ પંચાયત વિસ્તારમાં સિંગલ યુઝ પ્લાસ્ટિકઉપર પ્રતિબંધ અને દરેક ગામોમાં ખુલ્લામાં કુદરતી હાજતે નહીં જાય તેની તકેદારી માટે પણ પ્રસ્તાવ પસાર કરવામાં આવ્યો હતો.
આ બેઠકમાં સરપંચ શ્રીમતી હિતાક્ષી જીજ્ઞેશ પટેલ, સેક્રેટરી શ્રી આનંદ પંચાલ સહિત સભ્યો ઉપસ્થિત રહ્યા હતા.
મગરવાડા ખાતે સરપંચ શ્રીમતી લખીબેન પેમા પટેલ, સેક્રેટરી શ્રીમતી અંકિતા પટેલ તથા સભ્યો ઉપસ્થિત રહ્યા હતા.
પરિયારી ગ્રામ પંચાયતમાં સરપંચ શ્રીમતી પંક્તિબેન પટેલના નેતૃત્વમાં ઠરાવ પસાર કરાયો હતો.
પટલારા ગ્રામ પંચાયતમાં સરપંચ શ્રીમતી હંસાબેન ધોડીના નેતૃત્વમાં પ્લાસ્ટિક પ્રતિબંધ સહિતના પ્રસ્તાવ ઉપર મહોર મારવામાં આવી હતી.
કચીગામ ગ્રામ પંચાયતમાં સરપંચશ્રી ભરતભાઈ પટેલના નેતૃત્વમાં સિંગલ યુઝ પ્લાસ્ટિકના પ્રતિબંધ અને પંચાયતને ઓડીએફ કરવા ઠરાવ પસાર કરાયો હતો.
