(વર્તમાન પ્રવાહ ન્યુઝ નેટવર્ક)
દીવ, તા.28: કેન્દ્ર શાસિત પ્રદેશ દીવ ખાતે આવેલ આંગણવાડીમાં આજે એચપી સોમનાથ ગેસ એજન્સી દ્વારા તથા સીડીપીઓ વિભાગ અને મિશન શક્તિના સંયુક્ત ઉપક્રમે કાર્યક્રમ આપણું રસોડું આપણી જવાબદારી કાર્યક્રમ આયોજિત કરવામાં આવ્યો, કાર્યક્રમ દરમિયાન એચપી ગેસ સોમનાથ એજન્સીથી આવેલા સ્ટાફ દ્વારા એચપી ગેસ રાજકોટ ઝોનથી પધારેલ પુષ્પેન્દ્ર વસીસ્ટ, સીડીપીઓ વૈશાલીબારિયા, સોમનાથ ગેસ એજન્સીના અમૃતલાલભાઈ, વગેરે ઉપસ્થિત રહ્યા હતા, તથા ગેસ ને ઉપયોગ કરતી વખતે કઈ કઈ તકેદારી રાખવી, તથા ગેસની નળીને દર પાંચ વર્ષે બદલાવવી, દરરોજ રસોઈ કર્યા બાદ રેગ્યુલેટર બંધ કરવું જેવી અનેક સુરક્ષા તથા સાવધાની વિશે માહિતી અપાઈ હતી. સાથે કાર્યક્રમ દરમિયાન પોષ્ટિક વાનગીઓની સ્પર્ધાનું આયોજન કરવામાં આવ્યું હતું. જેમા આંગણવાડીની ટીચર તથા વર્કરોએ ઉત્સાહ પૂર્વક ભાગ લીધો હતો. જેમા પ્રથમ દ્વિતીય અને તૃતીય નંબર આપવામાં આવ્યો, જેને ઈનામ તથા પ્રમાણપત્ર આપી પ્રોત્સાહિત કરવામાં આવ્યા હતા. આજના કાર્યક્રમ દરમિયાન એચપી ગેસ દ્વારા ખાસ લોકોને સંદેશ પાઠવવામાં આવ્યો છે કે આપના ઘરે ગેસની તપાસ કરવા આવતા અમારા કર્મચારીઓને સહયોગ કરવો અને જો કોઈ આપને શંકા ઉત્પન્ન થાય તો અમારી એજન્સીનો સંપર્ક કરવો, આ રીતે આજનો કાર્યક્રમ સફળ નિવડ્યો હતો.
