November 30, 2025
Vartman Pravah
Breaking NewsOtherડિસ્ટ્રીકટદેશસેલવાસ

આગામી ચોમાસાની ઋતુને ધ્‍યાનમાં રાખી સેલવાસ નગરપાલિકાએ હાથ ધરેલી પ્રિમોન્‍સૂન કામગીરી

કોતરો, ગટરો, માર્ગો, નાળા, સરકારી વસાહતો, કમ્‍પાઉન્‍ડ વગેરેની કરવામાં આવી રહેલી સાફ-સફાઈઃ વીજ વિભાગ ઉંઘમાં

(વર્તમાન પ્રવાહ ન્‍યુઝ નેટવર્ક)
સેલવાસ, તા.22 : સેલવાસ નગરપાલિકાના પ્રમુખ શ્રીમતી રજની શેટ્ટી અને ચીફ ઓફિસર સંગ્રામ શિંદેની આગેવાની હેઠળ સેલવાસ ન.પા. દ્વારા શહેરના રહેવાસીઓની સલામતી અને સુખાકારીની વ્‍યવસ્‍થાના ભાગરૂપે આગામી ચોમાસા દરમિયાન શહેરમાં વરસાદી પાણીનો ભરાવો નહીં થાય તેમજ ચોમાસાના વરસાદની સંભવિત અસરને ઘટાડવાના હેતુથી ગટર, નાળા, રસ્‍તા વગેરેની સાફ-સફાઈ જેવી વિવિધ પ્રવૃત્તિઓ શરૂ કરવામાં આવી છે. જેમાં પાતળિયા ફળિયા કોતર, સરકારી વસાહત પાસે, દયાત ફળિયા કોતર, ટોકરખાડા કોતર, પટેલ પેટ્રોલ પંપ પાસેના પોલાણ, ડોકમરડી નદી, કામલી ફળિયા કોતર અને અંદરની ઝાડીઓ વગેરે સ્‍થળોએ સાફ-સફાઈ કરી પાણીનો ભરાવો અટકાવવા અને સરળ ડ્રેનેજની વ્‍યવસ્‍થા કરવા માટેની કામગીરીનો આરંભ કરાયો છે.
પાણી ભરાયેલા વિસ્‍તારના નાળાઓમાં પાણીના પ્રવાહનો માર્ગ અને નાળાના નાના છિદ્રો સાફ કરવામાં આવી રહ્યા છે. જેમાં હાઈટેક શેરી, સરકારી બસ સ્‍ટેન્‍ડ અને બાલદેવીના ગટરની સફાઈકરવામાં આવી હતી તથા આલ્‍ફા ગલી, 66 કેવી રોડ, આમલી, કિશન તબેલા ગલી, બાવીસા ફળિયા, મસ્‍જિદ ગલી, બાવીસા ફળિયા તથા ભરમદેવ મંદિર લાયન્‍સ સ્‍કૂલ રોડ તથા ગટરની સફાઈમાં બાલદેવી, નવલા ફળિયા, દાતુ હાઉસ પાસે જયસુખ રવિયા હાઉસ, કુવા ફળિયા, સાયલી રોડ, બાપુડ ફળિયામાં સફાઈ કરવામાં આવી છે અને બાકીના નાળાઓની સફાઈની કામગીરી ચાલી રહી છે. સેલવાસ નગરપાલિકા દ્વારા વિવિધ પ્રવૃત્તિઓનો આરંભ કરી દેવામાં આવ્‍યો છે પરંતુ વીજતંત્ર ઉંઘમાં હોય એવું પ્રતિત થઈ રહ્યું છે.
આ પ્રિ-મોન્‍સૂન કામગીરી માટે 8 ટીમો બનાવવામાં આવી છે. જેમાંથી 4 ટીમોને સવારે સેલવાસ વિસ્‍તાર અને 4 ટીમને રાત્રે મોનિટરિંગની કામગીરી સોંપવામાં આવી છે. સેલવાસ નગરપાલિકા દ્વારા પાણી ભરાઈ જવાની સમસ્‍યા ધ્‍યાન પર આવે તો હેલ્‍પલાઈન નંબર 83474 72611 ઉપર સંપર્ક કરવા તમામ નાગરિકોને અપીલ કરવામાં આવે છે.

Related posts

વાપી નોટિફાઈડ દ્વારા ચણોદ પાસે 35 વર્ષ જુની પાણીની ટાંકી કોલમ બ્રેકીંગ ટેકનોલોજીથી મિનિટોમાં ધરાશાયી કરાઈ

vartmanpravah

વલસાડ અને વાપીમાં 38 દવાની દુકાનોમાં અનેક ગેરરીતિ ઝડપાતા નોટિસ ફટકારાઈ

vartmanpravah

જીવનદીપ હેલ્‍થ એજ્‍યુકેશન એન્‍ડ ચેરીટેબલ ટ્રસ્‍ટ સંચાલિત ચાઈલ્‍ડ લાઇન સર્વિસ ‘1098′ દીવ દ્વારા એસ.પી. કચેરી ખાતે ‘ચાઈલ્‍ડ લાઈન સે દોસ્‍તી’ સપ્તાહની ઉજવણી કરાઈ

vartmanpravah

દીવ જિલ્લામાં વરિષ્ઠ નાગરિકો માટે રાષ્‍ટ્રીય હેલ્‍પલાઈન 14567 ને સફરતાં પૂર્વક એક વર્ષ પૂર્ણ થતા ઘોઘલા ખારવા સમાજ હોલમાં થયો કાર્યક્રમ

vartmanpravah

દમણવાડાની સરકારી માધ્‍યમિક શાળામાં અંગ્રેજી માધ્‍યમના ધોરણ 11ના સામાન્‍ય પ્રવાહનો શરૂ થનારો અભ્‍યાસઃ અરજી માટેની છેલ્લી તારીખ27મી સપ્‍ટેમ્‍બર

vartmanpravah

દમણ જિ.પં.ની પ્રથમ કારોબારી સમિતિની બેઠકમાં ગ્રામ્‍ય વિસ્‍તારોના અનેક કામો ઉપર મંજૂરીની મહોરઃ જિ.પં. ફરી એકવાર ધબકતી થઈ હોવાનો અહેસાસ

vartmanpravah

Leave a Comment