(વર્તમાન પ્રવાહ ન્યુઝ નેટવર્ક)
દમણ, તા.22: સંઘપ્રદેશ દાદરા નગર હવેલી તથા દમણ અને દીવ પ્રશાસનના યુવા કાર્યક્રમ અને રમત વિભાગ દમણ દ્વારા આઝાદી કા અમૃત મહોત્સવ અંતર્ગત સંઘપ્રદેશના પ્રશાસક શ્રી પ્રફુલભાઈ પટેલના દિશા-નિર્દેશમાં યુવા કાર્યક્રમ અને રમતગમત વિભાગના નિર્દેશક શ્રી અરુણ ગુપ્તાના સહયોગથી તા. 22/09/2021ના રોજ અંડર 17 અને 19 બોયસ અને ગર્લ્સ માટે ક્રોસ કંટ્રી રોડ રેસ (પ અને 3 કિ.મી)ના રોજ લાઈટ હાઉસથી રામસેતુ વચ્ચે મોટી દમણ ખાતે આયોજીત કરવામાં આવ્યું હતું આ ક્રોસ કંટ્રી રોડ રેસનું ઉદ્ઘાટનમાં દમણ અને દીવના રમત અધિકારી શ્રી મનિષ સ્માર્ટે પોતાના વક્તવ્યમાં ખેલાડીઓને પ્રેરિત કરતા જણાવ્યું હતું કે શિક્ષણની સાથે શરીર અને મનને સ્વસ્થ રાખવા માટે શિક્ષણની સાથે સાથે રમતનું પણ આપણા જીવનમાં વધુ મહત્વ છે.આપણે આખી જિંદગી રમત સાથે જોડાયેલા રહેવું જોઈએ.
આ ક્રોસ કન્ટ્રી રોડ રેસમાં દમણ જિલ્લાનીવિવિધ શાળાઓના બસોથી વધુ વિદ્યાર્થીઓએ ઉત્સાહપૂર્વક ભાગ લીધો હતો જેમાં (1) અન્ડર 19 બોયઝ ક્રોસ કન્ટ્રી રોડ રેસમાં, પ્રથમ સ્થાન શ્રી માછી મહાજન અંગ્રેજી માધ્યમ શાળાના શર્મા અંકિત, બીજું સ્થાન શ્રી સ્વામી વિવેકાનંદ વિદ્યાલય દમણનું પ્રિયાંશુ કુમાર, ત્રીજું સ્થાન સરકારી હાઈસ્કૂલ, નાની દમણના બંટીકુમાર સુનિલ રામ, ચોથું સ્થાન સરકાર વિદ્યાલયના ઉચ્ચ સુરજકુમાર સુનીલ રામ, નાની દમણ અને 5ાંચમું સ્થાન ટેકનિકલ તાલીમ સંસ્થા, દમણના નિયત હૈદરખાનને મળ્યું હતું. (2) અન્ડર 19 ગર્લ્સ ક્રોસ કન્ટ્રી રોડ રેસમાં પ્રથમ સ્થાન સરકારી ઉચ્ચ હાઈસ્કૂલ, ઝરીની શ્રેયાલી નિલેશ ધોડી, બીજું સ્થાન સરકારી હાઈસ્કૂલ, પરિયારીની દિવ્યા જસવંત હલપતિ, 3જા સ્થાને સરકારી હાઈસ્કૂલ, પરિયારીની કિંજલ ચીમન વારલી, ચોથા સ્થાને સાર્વજનિક વિદ્યાલય દમણની ક્રિષ્નામહેતા અને પાંચમું સ્થાન સરકારી હાઇસ્કૂલ, પરિયારીની પ્રિયંકા નિલેશ હળપતિએ મેળવ્યું હતું. (3) અંડર 17 બોયઝ ક્રોસ કન્ટ્રી રોડ રેસમાં, પ્રથમ સ્થાન સરકારી હાઇસ્કૂલ, નાની દમણના અંકિત સુનીલ રવિદાસ, દ્વિતીય સ્થાન સરકારી હાઇસ્કુલના રોહિત કુમાર સુનીલ મોદી, નાની દમણ, ત્રીજું સ્થાન શ્રી માછી મહાજન ઇંગ્લિશ મીડિયમ સ્કૂલના મોહિત નંદકિશોર પાંડે, ચૌથુ સ્થાન સરકારી ઉચ્ચ વિદ્યાલય મોટીદમણના પ્રયાસ રાજૂ હળપતિ અને પાંચમુ સ્થાન સરકારી ઉચ્ચ વિદ્યાલય પરિયારીના પ્રીતમ દિલીપ હળપતિએ પ્રાપ્ત કરેલ છે. (4) અંડર 17 ગર્લ્સ ક્રોસ કન્ટ્રી રોડ રેસમાં પ્રથમ સ્થાન શ્રી માછી મહાજન ઇંગ્લિશ મીડિયમ સ્કૂલની શ્રુતિ મનોજ સિંઘ, બીજું સ્થાન સરકારી હાઇસ્કૂલ, ભીમપોરની અંજલી માંગેલા, ત્રીજું સ્થાન સરકારી હાઇસ્કૂલ, પરિયારીની કિંજલ જગદીશ વારલી, ચોથું સ્થાન સરકારી હાઈ. પરિયારી વિદ્યાલયની રોશની ઉત્તમ હળપતિ અને સરકારી હાઇસ્કુલ, નાની દમણની રેશ્મા ખાતૂને પાંચમું સ્થાન મેળવ્યું હતું.
આ તમામ વિજેતાઓને યુથ પ્રોગ્રામ અને સ્પોર્ટ્સના ડાયરેક્ટર શ્રી અરુણ ગુપ્તાના હસ્તે ટ્રોફી અને પ્રમાણપત્રો આપી પ્રોત્સાહિત કરવામાં આવ્યા હતા અને ચેસ, ટેબલ ટેનિસ અને ટેબલ ટેનિસ (પુરુષ અને મહિલા) સ્પર્ધાઓના વિજેતાઓને પણ ટ્રોફી અને પ્રમાણપત્ર આપી પ્રોત્સાહિત કરવામાં આવ્યા હતા. કરવામાં આવશે.
આ ક્રોસ કન્ટ્રી રોડ રેસને સફળ બનાવવા માટે રમતગમત અધિકારી શ્રી મનિષ સ્માર્ટના નેતૃત્વમાં મદદનીશ શારીરિક શિક્ષણ અધિકારી શ્રી કાંતિ પટેલ, વિવિધ શાળાઓના શારીરિક શિક્ષણ શિક્ષકો અને કોમ્પ્યુટર ઓપરેટર શ્રી વિપુલ પટેલે સખત મહેનત કરી હતી.
