પિતાએ ઠપકો આપતા યુવતી નારાજ થઈ ગઈ હતી
(વર્તમાન પ્રવાહ ન્યુઝ નેટવર્ક)
સેલવાસ, તા.24
સેલવાસની એક સોસાયટીમાં યુવતીએ બિલ્ડિંગની છત પરથી કુદવાનો પ્રયાસ કરતા ચકચાર મચી જવા પામી હતી. માતાએ વાતમાં પાડી એન્ડ સમયે પાછળથી પિતાએ ઘટના સ્થળેથી પુત્રીને ઊંચકી લીધી અને ઘટના ટળી હતી.
પ્રાપ્ત વિગત મુજબ ગુરુવારે મોડી સાંજે બાવીસા ફળીયા રોડ પર આવેલ સાંઈ શાંતિધામ ખાતે રહેતી એક યુવતી ઘરમાં કંઈ કામન કરતી હોય આખો દિવસ મોબાઈલ પર ગેમ રમતી હોય એવો ઠપકો માતા-પિતા દ્વારા અપાતા યુવતીએ ગુસ્સામાં આવી બિલ્ડિંગની છત પર ચડી ગઈ હતી અને ત્યાંથી કૂદવાની ધમકી આપી રહી હતી. એ સમયે અનેક લોકોએ પોતાની છત પરથી વિડીયો બનાવી વાયરલ કર્યા હતા. જોકે યુવતી કુદે એ પહેલા માતાએ એને વાતમાં પાડી પિતા પાછળના ભાગેથી આવી એને ઉંચકી લીધી હતી. આ ઘટના બનતા સોસાયટીમાં લોકોના ટોળેટોળા ભેગા થઈ ગયા હતા. ઘરેલુ મામલો હોય દીકરીની બદનામી ન થાય જેથી કરી પોલીસ કેસ ન કરવાની પરિવારના સભ્યએ ના પાડી હતી. પરંતુ વિડીયો સોશિયલ મીડિયામાં વાયરલ થઈ જતા શહેરમાં ચર્ચાનો વિષય બન્યો હતો.
