વલસાડ સારંગપુરમાં પીકઅપ ટેમ્પો ઉભેલી બસને અથડાતા ગંભીર અકસ્માત સર્જાયો : 20 થી વધુ ઘાયલ
પેટા
ધરમપુરના અંતરિયાળ વિસ્તારમાંથી મજુરો બેસાડી ટેમ્પો આવી રહ્યો હતો : 108 ની ત્રણ એમ્બ્યુલન્સ દોડી
(વર્તમાન પ્રવાહ વાપીબ્યુરો)
વાપી, તા.24
વલસાડ નજીક સારંગપુર સીમમાં મુસાફરો માટે ઉભી રહેલી બસને પુર ઝડપે આવી રહેલો ટેમ્પો બસ સાથે ધડાકાભેર અથડાતા ગંભીર અકસ્માત સર્જાયો હતો. અકસ્માતમાં 20 થી વધુ લોકો ઘાયલ થયા હતા.
વલસાડ નજીક શુક્રવારે સવારે સારંગપુરની સીમ પાસે એસ.ટી. બસ નં.જીજે 18 3952 મુસાફરો માટે થોભી હતી તે દરમિયાન સામેથી બેફામ આવી રહેલ પીકઅપ ટેમ્પા નં.જીજે 21 ટી 6755ના ચાલકે પીકઅપ ટેમ્પાને બસ સાથે ધડાકાભેર અથડાવ્યો હતો. અકસ્માતમાં 20 ઉપરાંત મજુરો ઘાયલ થયા હતા. અકસ્માતની જાણ થતા 108ની ત્રણ એમ્બ્યુલન્સ ઘટના સ્થળે પહોંચી હતી અને ઘાયલોને તાત્કાલિક ધરમપુર સ્ટેટ હોસ્પિટલમાં સારવાર માટે ખસેડાયા હતા.
