(વર્તમાન પ્રવાહ ન્યુઝ નેટવર્ક)
ચીખલી,(વંકાલ), તા.13: ચીખલી તાલુકાના ચિતાલી ગામના હવેલી ફળીયા ખાતે દીપડો આંટાફેરા કરતા સ્થાનિકોમાં ભયનો માહોલ ફેલાઈ જવા પામ્યો હતો. જ્યારે દીપડો દેખાતા જે અંગેની જાણ ચીખલી વન વિભાગને કરાતા જરૂરી સર્વે કરી રકસુબેન મકનજીભાઈ પટેલની વાડીમાં પાંજરું ગોઠવવામાં આવતા રવિવારની બપોરના સમયે શિકારની શોધમાં આવી ચઢેલ દીપડો પાંજરે પુરાતા સ્થાનિકોએ રાહતનો શ્વાસ લીધો હતો. જોકે દીપડો પાંજરે પુરાયાની વાત ફેલાતા લોકો મોટી સંખ્યામાં એકત્ર થઈ ગયા હતા. પાંજરે પુરાયેલ દીપડાનો કબ્જો લઈ જરૂરી તપાસ બાદ સલામત સ્થળે છોડવાની તજવીજ હાથ ધરી હતી.
