નવા ડાયરેક્ટર, એક્સ્પાન્સન, સીઈટીપીના સારા પરિણામ હોવાથી સીઓડીની 7000ની લીમીટ કરવા માંગણી કરાઈ
(વર્તમાન પ્રવાહ વાપી બ્યુરો)
વાપી, તા.29
વાપી ગ્રીન એન્વાયરો લી.ની આવતીકાલ મંગળવારે તા. 30 સપ્ટેમ્બરના રોજ વાર્ષિક સાધારણ સભા યોજાનાર છે. ત્યારે વલસાડ જિલ્લા લઘુમતી દ્વારા નાના ઉદ્યોગકારોના પડતર પ્રશ્નોનો ઉકેલ લાવવામાં લેખિત રજૂઆત કરવામાં આવી છે.
લઘુ ઉદ્યોગ ભારતીએ કરેલ લેખિત રજૂઆત મુજબ ચાલુ વર્ષ ડાયરેક્ટર તરીકે સી.ઈ.ટી.પી.ના મેમ્બર ઉદ્યોગપતિઓ લાંબા સમયથી એકસ્પાન્સનની રાહ જોઈ રહ્યા છે. પરંતુ જી.પી.સી.બી. તરફથી પરમિશન નથી મળી રહી, તેથી પરમિશન મળે તેવી જરૂરિયાત છે.
ઘણા ઉદ્યોગો નવા યુનિટ કાર્યરત કરવા માંગે પણ પરમિશન નહી મળતા વિકાસ અટકી ગયો છે. સી.ઈ.ટી.પીના પરિણામો સારા આવી રહ્યા છે. ત્યારે લઘુ ઉદ્યોગોને 7000 સી.ઓ.ડી.ની લીમીટ કરી આપવી જોઈએ કોરોના કાળમાં લઘુ ઉદ્યોગોનું મોટું આથિર્ક નુકશાન વેઠેલું છે. તેથી અગામી ત્રણ વર્ષ સુધી સી.ઈ.ટી.પી.ના ચાર્જમાં કોઈ વધારો નહી કરવા જેવી માંગણીરજૂઆત ઉદ્યોગભારતીએ વાપી ગ્રીન એન્વાયરોમેન્ટ લી.ના ચેરમેનને લેખિત રજૂઆત કરી છે.
