મોંઘી દાટ કારનું મોટુ નુકશાન કારમાં ચાર યુવાનો સવાર હતા : ભરૂચ તરફથી ફરવા આવ્યા હતા
(વર્તમાન પ્રવાહ વાપી બ્યુરો)
વાપી, તા.01
વાપી ગુંજનથી બલીઠા તરફ જતા હાઈવે સર્વિસ રોડ ઉપર મંગળવારે રાત્રે અજીબો-ગરીબ ઘટના ઘટી હતી. હાઈવે ઉપર આવેલ એક હોટલના કમ્પાઉન્ડ વોલનો બે ફૂટનો વરંડો તોડી પીધેલાઓએ તેમની બીએમડબલ્યુ કાર ઘૂસાડી દેતા દોડધામ ચમી જવા પામી હતી.
વાપી પેપીલોન ચોકડીથી બલીઠા તરફ જતા હાઈવે સર્વિસ રોડ ઉપર આવેલ હોટલ માધવમાં મંગળવારે રાત્રે પીધેલાઓ તેમનીમોંઘી દાટ બી.એમ.ડબલ્યુ કાર બે ફૂટનો વરંડો તોડી અંદર ઘૂસાડી દીધી હતી. કાર નં.જીજે 01 કેઆર 7177 માં ચાર યુવાનો સવાર હતા. જેમાં કાર ચાલક યુવાન નશામાં ચૂર હતો. તેણે કાર ભટકાવી દીધી હતી. અચાનક રાત્રે ઘટના ઘટતા હોટલના વેઈટરો અને ગ્રાહકો હોટલ કમ્પાઉન્ડમાં દોડી આવ્યા હતા. હોટલ સંચાલકે વાપી ટાઉન પોલીસને ઘટનાની જાણ કરતા પી.આઈ. બી.જે. સરવૈયા ટીમ સાથે હોટલ માધવ પહોંચ્યા હતા. ચાર યુવાનોને રાત્રે પોલીસ સ્ટેશન લઈ જવાયા હતા. જાણવા મળ્યા મુજબ યુવાનો ભરૂચ તરફથી વાપી ફરવા આવ્યા હતા. આગળની વધુ તપાસ વાપી ટાઉન પોલીસ કરી રહી છે.