દેવલબેન દેસાઈ, કાશ્મિરાબેન શાહ અને અર્ચનાબેન દેસાઈ વચ્ચે હરિફાઈ
(વર્તમાન પ્રવાહ વાપી બ્યુરો)
વાપી, તા.05
વાપી નગર પાલિકાની સામાન્ય ચૂંટણી સંપન્ન થઈ છે. જેમાં કુલ 11 વોર્ડની 44 બેઠકો પૈકી 37 બેઠકો ભાજપે જીતી છે. તેથી અગામી સમયે ભાજપ સત્તા ઉપર આરૂઢ થેશ તે પહેલા પાલીકાના નવા પ્રમુખ અને ઉપ પ્રમુખ કોણ હશે. તેની રાજકીય ચર્ચાઓ અને સમીકરણોના મંડાણ આરંભાઈ ચૂક્યા છે. કારણ કે નવી ચૂંટાયેલી પાંખની પ્રથમ સામાન્ય બેઠક અગામી તા. 1પમી ડિસેમ્બરના રોજ મળનાર છે. તેમાં નવા પ્રમુખ ઉપ પ્રમુખની ચૂંટણી પ્રક્રિયા હાથ ધરાશેએ નક્કી છે.
વાપી નગર પાલિકા સામાન્ય ચૂટણીનું પરિણામ 30 નવેમ્બરના રોજ ડીક્લેર થયું હતું. ભાજપને 37 બેઠક, કોંગ્રેસને 7 બેઠક તેમજ આપ અને અપક્ષની સંપૂર્ણ હાર થઈ હતી. તેથી ભાજપ સત્તાના સુત્રોસંભાળશે અને વિરોધ પક્ષમાં કોંગ્રેસ બેસશે હવે વાપી ન.પાના નવા પ્રમુખ ઉપપ્રમુખ કોણ ? પ્રથમ અઢી વર્ષની ટર્મ માટે મહિલા સામાન્ય બેઠક હોવાથી વોર્ડ નં.3 દેવલબેન દેસાઈ તથા અર્ચનાબેન શાહ તથા વોર્ડ નં.8ના કાશ્મિરાબેન શાહના નામોની ચર્ચા શરૂ થઈ ગઈ છે. જોવુ એ રહેશે કે પાર્ટી કોને મેન્ડેટ આપે છે. અને નવા પ્રમુખ અને ઉપ પ્રમુખ કોણ બને છે તેતો આગામી 1પ ડિસેમ્બરે જાણી શકાશે.
