કપરાડા તાલુકાના સૌથી વધુ 7, ધરમપુરમાં 6, વલસાડમાં પ, પારડીમાં 4 અને વાપી તાલુકામાં એક માત્ર પંચાયત સમરસ બની
(વર્તમાન પ્રવાહ વાપી બ્યુરો)
વાપી, તા.08
વલસાડ જિલ્લાની કુલ 326 ગ્રામ પંચાયતોની ચૂંટણી અગામી 19 ડિસેમ્બરના રોજ યોજનાર છે. તે પહેલા ચૂંટણી પ્રક્રિયામાં ફોર્મ ભરવાથી લઈ ફોર્મ પરત ખેંચવાની અંતિમ પ્રક્રિયા મંગળવારે રાત્રે પૂર્ણ થઈ હતી. જેથી ચૂંટણી ચિત્ર સ્પષ્ટ થઈ ગયું હતું.
જિલ્લામાં 326 પંચાયતો પૈકી 24 ગ્રામ પંચાયતો સમરસ બની હતી. 06 તાલુકાઓની પંચાયતોમાં સરપંચ પદ માટે કુલ 1299 અને સભ્યપદ માટે કુલ 6383 અધધ ઉમેદવારો ચૂંટણી જંગ લડી રહ્યા છે. આજે બુધવારથી ચૂંટણી પ્રચારનો ગામે-ગામ આરંભ થઈ જશે.
ગુજરાતમાં 10 હજાર ઉપરાંત ગ્રામ પંચાયતોની ચૂંટણી યોજાઈ રહી છે તે પૈકી વલસાડ જિલ્લામાં 326 ગ્રામ પંચાયતોની ચૂંટણી આગામી 19 ડિસેમ્બરના રોજ યોજાનાર છે. ચૂંટણી ઉમેદવારી નોંધાવાથી લઈ ઉમેદવારી ફોર્મ પરત ખેંચવાની અંતિમ તાલુકાની 7 મંગળવારે રાત્રે ચૂંટણી ચિત્ર સ્પષ્ટ થઈ ગયું હતું. જેમાં જિલ્લામાં 326 પંચાયતો પૈકી 24 ગ્રામ પંચાયતો બિનહરીફ સમરસ જાહેર થઈ હતી.
સમરસબનનાર પંચાયતોમાં સૌથી વધુ કપરાડા તાલુકાની 7, ધરમપુર તાલુકાની 6, વલસાડ તાલુકાની 5, પારડી તાલુકાની 4 અને વાપી તાલુકાની 1 માત્ર પંચાયતો સમરસ બની હતી. તેથી આજથી વલસાડ જિલ્લામાં ગ્રામ્ય ચૂંટણીઓનો પ્રચાર જોર-શોરથી આરંભાઈ ચૂક્યો છે.