(વર્તમાન પ્રવાહ ન્યુઝ નેટવર્ક)
દમણ, તા.12:
નાની દમણના છપલી શેરીખાતે સી.એસ.આર. અંતર્ગત સ્કોટ કાયશા ઈન્ડસ્ટ્રીઝ દ્વારા બનાવવામાં આવેલ ટોયલેટ બોક્ષનું ગંદુ પાણી પણ ખુલ્લી જગ્યામાં વહેતા ગંદકીનું સામ્રાજય
ફેલાયેલું છે. નાની દમણ છપલી શેરીના દરિયા કિનારે પ્રવાસીઓ માટે આશીર્વાદરૂપ બનેલ સ્કોટ કાયશા દ્વારા નિર્મિત ટોયલેટ બોક્ષ યોગ્ય તકેદારીના અભાવે તેનો હેતુ સિદ્ધ કરવા માટે નિષ્ફળ જઈ રહ્યું છે. આ વિસ્તારમાં ટોયલેટમાંથી બહાર નીકળતા ગંદા કચરાથી ઠેર-ઠેર ગંદકી પેદા થવાની સાથે દુર્ગંધ પણ ફેલાઈ રહી છે. આ બાબતે યોગ્ય કાર્યવાહી કરવામાં આવે તેવી સ્થાનિક લોકોએ આગ્રહભરી વિનંતી પણ કરી છે.
