સ્માર્ટસીટી પ્રોજેક્ટ અંતર્ગત દાનહની સુંદરતા માટે બ્યુટીફીકેશનમાં સહયોગ આપવા તાકીદ
(વર્તમાન પ્રવાહ ન્યુઝ નેટવર્ક) સેલવાસ, તા.24
સેલવાસ કલાકેન્દ્ર હોલ ખાતે કલેકટરની અધ્યક્ષતામાં સેલવાસ નરોલી ભીલાડ મુખ્ય રોડ પર આવેલ ઘરો હોટલ દુકાનોની આગળના ભાગે બ્યુટીફીકેશન કરવા અંગે સ્થાનિકો સાથે મીટીંગનું આયોજન કરવામાં આવ્યું હતું.
‘સ્માર્ટસીટી પ્રોજેક્ટ’ અંતર્ગત દાનહ પ્રદેશ સુંદર દેખાય અને ચમકી ઉઠે એના માટે બ્યુટીફીકેશન કરવા માટે તાકીદ કરવામાં આવી હતી. જેમાં આગળની સાઇડે માટીનો ઢગલો કરી એના પર ગ્રીન લોન લગાવવામાં આવનાર છે અને જો કોઈએ જાતે ના કરી શકે એમ હોય તો એજન્સી દ્વારા પણ બ્યુટીફીકેશનનું કામ કરી આપવામાં આવશે. જેનો ભાવ 20 રૂપિયા ફૂટનો રહેશે. આ કાર્ય એક મહિનાની અંદર પૂર્ણ કરવા સ્થાનિકોને સહયોગ આપવા તાકીદ કરાઈ છે.
આ અવસરે કલેકટર ડો. રાકેશ મિન્હાસ, સેલવાસ આરડીસી ચાર્મી પારેખ ખાનવેલ આરડીસી, વનવિભાગના અધિકારીઓ મામલતદાર સહિત સેલવાસ નરોલી રોડની આજુબાજુ રહેતા રહેવાસીઓ દુકાનદારો હોટલ સંચાલકો વેપારીઓ ઉપસ્થિત રહ્યાહતા.