દમણ જિલ્લાની એકમાત્ર સંપૂર્ણ મહિલા ગ્રામ પંચાયત ઘેલવાડના સરપંચ હિતાક્ષીબેન પટેલ અને પ્રદેશ ભાજપ મંત્રી જિજ્ઞેશભાઈ પટેલે પોતાનું સામાજિક દાયિત્વ અદા કરી પૂર્વ પ્રધાનમંત્રીના જન્મદિને બાળકોને ભોજન અને કેક કપાવી જાગૃત કરેલી રાષ્ટ્ર ભાવના
(વર્તમાન પ્રવાહ ન્યુઝ નેટવર્ક)
દમણ, તા.26
દમણ જિલ્લાનીઘેલવાડ ગ્રામ પંચાયતના સરપંચ શ્રીમતી હિતાક્ષીબેન પટેલ અને તેમના પતિ શ્રી જિજ્ઞેશભાઈ પટેલે શનિવારે પૂર્વ પ્રધાનમંત્રી ભારતરત્ન અટલ બિહારી વાજપેયીના જન્મદિન નિમિત્તે બાળકો સાથે ભોજન કરી જન્મદિવસની ઉજવણી કરી હતી.
દમણ જિલ્લાની એક માત્ર મહિલા ગ્રામ પંચાયત બનવાનું સૌભાગ્ય ધરાવનાર ઘેલવાડ ગ્રામ પંચાયતના નવયુવાન સરપંચ શ્રીમતી હિતાક્ષીબેન પટેલ અને દાનહ અને દમણ-દીવ ભાજપના પ્રદેશ મંત્રી શ્રી જિજ્ઞેશ પટેલની યુગલ જોડીએ પંચાયત વિસ્તારના બાળકોને ખુબજ હેતપૂર્વક બર્થ-ડેનો કેક કપાવી ભોજન પણ કરાવ્યું હતું. આ પ્રસંગે ઘેલવાડ પંચાયતની સંપૂર્ણ ટીમ પણ ઉપસ્થિત રહી હતી.
