પ્રદેશ ભાજપના પ્રિયાંકસિંહ પરમારની ઉપ પ્રમુખ તરીકે વરણી થતાં યુવાનોમાં આવેલો નવો જોશ
(વર્તમાન પ્રવાહ ન્યુઝ નેટવર્ક)
સેલવાસ, તા.28
ભારતીય જનતા પાર્ટી- દાદરા નગર હવેલી અને દમણ-દીવ પ્રદેશના ઉપાધ્યક્ષ પદે નરોલીના પ્રિયાંકસિંહ પરમારની નિમણૂક થઇ જે બદલ નરોલી ગ્રામ પંચાયતના સરપંચ શ્રી ધર્મેશભાઈ પટેલ, શ્રી યોગેશસિંહ સોલંકી, શ્રી હરેન્દ્રભાઈ પટેલ, શ્રી રાહુલભાઈ રાઠોડ વગેરે યુવાનોએ ખુશીના માહોલ સાથે ખૂબ ખૂબ અભિનંદન આપી પ્રિયાંકસિંહ પરમારને શુભેચ્છા પાઠવી હતી.
ભારતીય જનતાપાર્ટી મંડલ પ્રમુખ નરોલીના યોગેશસિંહ સોલંકીએ જણાવ્યું હતું કે પ્રિયાંકસિંહ પરમારના પિતાજી પણ દાદરા નગર હવેલીમાં ભાજપના સ્થાપક સભ્ય રહ્યા હતા. તેમજ પ્રિયાંકસિંહ પરમાર પણ ભારતીય જનતા પાર્ટીને વફાદાર રહી હંમેશા ભાજપાને મજબૂત કરવાનું કામ કર્યું છે. તેમજ નિષ્ઠાવાન ઊર્જાવાન સેવાભાવી યુવા નેતાને ઉપાધ્યક્ષ પદે પસંદગી કરવામાં આવી તે બદલ ભાજપા પાર્ટીના નિર્ણયને આવકાર્યો હતો.
