સૌથી વધુ કેસ વલસાડ વિસ્તાર-પ8, વાપી-ર8, પારડી-ઉમરગામ 11-11 તેમજ ધરમપુર કપરાડામાં એક-એક નોંધાયા
(વર્તમાન પ્રવાહ વાપી બ્યુરો)
વાપી, તા.06
વલસાડ જિલ્લામાં કોરોના સંક્રમણને રેડ સિગ્નલ આપી દીધું છે. આજે ગુરુવારે ભૂતકાળના તમામ આંકડા પાર કરી સૌથી વધુ 107 પોઝિટિવ કેસ નોંધાતા વહીવટીતંત્રની ઊંઘ હરામ બની ચૂકી છે.
વલસાડ જિલ્લામાંઅકલ્પનીય હદે આજે કોરોના 107 સંક્રમિત કેસ નોંધાયા છે. જેમાં સૌથી વધુ વલસાડ વિસ્તારમાં પ8, વાપી-ર8, પારડી-ઉમરગામ 11-11 તેમજ ધરમપુર કપરાડામાં એક એક મળી જિલ્લામાં કુલ 107 પોઝિટિવ કેસ ચિંતાજનક સ્થિતિમાં વધી ચૂક્યા છે. સ્થાનિક સ્વરાજ્યની ચૂંટણીમાં સૌ કોઈ વિસરી ગફા હતા કે કોરોના ચાલી ગયો પણ એ મોટી ભૂલ હતી. કોરોનાએ વલસાડ જિલ્લામાં ત્રીજી લહેરનો આરંભ કરી દીધો છે. એક તરફ ઓમિક્રોનના કેસ પણ જિલ્લામાં વધી રહ્યા છે. તો બીજી તરફ છેલ્લા બે દિવસથી કોરોના બેફામ બની ચૂકયો છ. હજુ પણ સમય છે. કોરોના ગાઈડલાઈનનું સખ્તાઈથી પાલન નહી કરાવાય તો બીજી લહેરમાં ઉભા થયેલા દૃશ્યો અને સ્થિતિ ફરી ઉભી ના થાય તેની સાવધાની પ્રશાસને અને વ્યક્તિગત રૂપે રાખવી જ રહી.