(વર્તમાન પ્રવાહ ન્યુઝ નેટવર્ક)
સેલવાસ, તા.09
દાદરા નગર હવેલીના કિલવણી ગામે અંગ્રેજી માધ્યમ પ્રાથમિક શાળામા હુબર ગૃપ ઓફ કંપની મોરખલ દ્વારા વિદ્યાર્થીઓ માટે ટીવી ભેટમાં આપવામાં આવ્યું હતું. શાળાના મુખ્ય શિક્ષિકા શ્રીમતી મનીષાબેન પવારના પ્રયત્નોથી કંપનીના મેનેજરશ્રીને શાળામાં ભણતા વિદ્યાર્થીઓ માટે ટીવીની જરૂરિયાત હોવાની જાણ કરતા હુબર કંપનીના મેનેજર શ્રી અનિરુદ્ધા પાંચાલ, એચઆર હેડ, હેડ ઈન્સ્ટ્રુમેન્ટ શ્રી જીતેન્દ્ર ઠાકોર અને એક્ઝિક્યુટિવ એચઆર શ્રીવિવેક રાણાવત, પ્રાથમિક શાળા કિલવણીના મુખ્ય શિક્ષક શ્રી જયેશભાઈ માહલા તેમજ શિક્ષકો તથા નોન ટીચિંગની ઉપસ્થિતિમાં કંપનીના મેનેજરનું પુષ્પગુચ્છ આપી સ્વાગત કરવામાં આવ્યું હતું, ત્યારબાદ દીપ પ્રાગટય કરી મેનેજરશ્રી દ્વારા મુખ્ય શિક્ષિકા શ્રી મનિષાબેન પવાર અને સ્ટાફને ટીવી ભેટ આપવામાં આવ્યું હતું.
