(વર્તમાન પ્રવાહ વાપી બ્યુરો)
વાપી, તા.18
વલસાડ જિલ્લામાં કોરોના ચિંતાજનક રોકેટ ગતિની રફતારથી રોજેરોજ વધી રહ્યો છે. મંગળવારે જિલ્લામાં નવા 310 કેસો નોંધાયા છે. પાછલા ત્રણ દિવસથી રોજેરોજ 300 ઉપરાંત પોઝિટીવ કેસ નોંધાતા રહેતા આરોગ્ય વિભાગની ઉંઘ હરામ થઈ છે.
વલસાડ જિલ્લામાં મંગળવારે 310 નવા કેસની સાથે જિલ્લામાં 1076 પોઝિટીવ કેસ એકટીવ વે. આજે 142 જેટલા દર્દી સાજા થતા રજા આપવામાં આવી હતી. જ્યારે આજે એક દર્દીનું મોત નિપજ્યું હતું. જિલ્લામાં વલસાડ વિસ્તારમાં 129, પારડીમાં રર, વાપીમાં 127, ઉમરગામમાં 9, ધરમપુરમાં 23 અને કપરાડામાં 02 કેસ મળી કુલ 310 કેસો નોંધાયા હતા. કોરોના વલસાડ જિલ્લામાં રોકેટ ગતિની રફતારથી આગળ દિન પ્રતિદિન વધી રહ્યો છે. જે ચિંતાજનક બાબત છે. હવે લગ્નસરાની સિઝન ચાલુ થશે ત્યારે કોરોનાની ગાઈડલાઈનનું પાલન નહી થાય તો સ્થિતિ વણસી શકે એવું લાગી રહ્યું છે.
