(વર્તમાન પ્રવાહ વાપી બ્યુરો) વાપી, તા.20
વલવાડા નજીક આવેલ નાહુલી પાસેકરમબેલા પુલના છેડેથી પોલીસે એક મોટર સાયકલ ચાલક પાસેથી મીણના કોથળામાં રાખેલ ખાનગી મોબાઈલ ટાવરની ચોરેલી ર.ર0 લાખની બેટરીઓ ઝડપી પાડી હતી.
ભિલાડ પોલીસ હાઈવે પેટ્રોલીંગમાં હતી. ત્યારે હાઈવે કરમબેલા પુલના છેડે મોટર સાયકલ નં.જીજે-1પ-બીએફ-8039 ઉપર સવાર શંકાસ્પદ લાગતા યુવાન રવિકુમાર રતિવિહોર સિંગને અટકાવી ચેકીંગ કર્યુ તો બાઈક ઉપર રાખેલ મીણીયાના કોથળામાં ખાનગી મોબાઈલ ટાવરની રૂા.ર.ર0 લાખની કિંમતની બેટરી મળી હતી. આ બાબતે મોબાઈલ કંપનીના અધિકારીઓની પણ પોલીસે વધુ પુછપરછ કરશે. આરોપીની બાઈક અને બેટરી જથ્થા સાથે પોલીસે રૂા. ર.36 લાખનો મુદ્દામાલ જપ્ત કરી આગળની વધુ કાયદેસરની કાર્યવાહી હાથ ધરી હતી.
