(વર્તમાન પ્રવાહ ન્યુઝ નેટવર્ક) સેલવાસ, તા.30
દાદરા નગર હવેલીના ખરડપાડા ગામે ખરડપાડા ક્રિકેટ કમિટી દ્વારા ચાર દિવસીય ક્રિકેટ પ્રીમિયર લીગ-3નું આયોજન કરવામા આવ્યું હતું. જેમા આઠ ટીમોએ ભાગ લીધો હતો.
ફાઇનલ મેચ ખરડપાડા સ્કોચર્સ અને ખરડપાડા નાઈટ ટીમ વચ્ચે રમાઈ હતી. જેમા ખરડપાડા સ્કોચર્સ ટીમ વિજેતા બની હતી. જેના ઓનર વિનયભાઈ ભંડારી હતા.
આ અવસરે શિવસેના પ્રદેશ પ્રમુખ શ્રી અભિનવ ડેલકરના હસ્તે વિજેતા ટીમને ટ્રોફી અને રોકડ ઈનામ તરીકે35001 રૂપિયા અને રનર્સઅપ ટીમને ટ્રોફી અને 20001 રૂપિયા રોકડ ઇનામ આપવામા આવ્યુ હતું. આ ટૂર્નામેન્ટને સફળ બનાવવા માટે ખરડપાડા ક્રિકેટ કમિટીના સભ્યોનો મુખ્ય ફાળો રહ્યો હતો ટૂર્નામેન્ટને જોવા મોટી સંખ્યામાં ક્રિકેટ રસિયાઓ ઉપસ્થિત રહ્યા હતા.
